我不是港女 – 區思晴

我不是港女 – 區思晴

2013年,網上流傳一條潮文片,叫做「一生只想尋找一個肯挨麥記的女人」,短短5日點擊高達80萬,至今已累積已超過2百萬,可以話係近年最受歡迎、最貼地嘅兩性關係短片!今次呢位主角,因為呢條潮文片「紅咗」,不過佢並唔係那個「肯捱麥記的女人」,佢叫Jessie(區思晴),佢飾演嘅係嗰個腌尖聲悶嘅港女。

0541r

Jessie話,其實呢條片係幫朋友拍嘅功課,當時淨係得番呢個角色,不過覺得冇咩所謂,所以都接咗嚟做,當初都冇諗過會有咁大迴響。呢個港女角色既負面又現實,不過Jessie就覺得,其實都唔係個個香港女仔都係咁嘅!

0679r

條片出街之後,好多人都問Jessie係咪真係咁港女,而現實中Jessie就覺得自己係個好隨和嘅女仔(唔係隨便呀!),亦都好就得人,好識為人着想,只係平時有少少懶,但係都唔算得上係港女!仲話如果有機會,都想試吓做 “娶得過”嗰個,可以試下多啲唔同嘅角色!

0426

Jessie而家喺香港知專讀緊影視製作,佢本身對幕前工作好有興趣,因為好鍾意做戲,不過平時拍片做功課,都係做製片多,每次拍到部片出嚟,都好有滿足感同成功感,畢業之後都想試吓喺電影圈發展!

0580r

Jessie本身好鍾意睇恐怖同懸疑嘅電影,近期大熱嘅《踏血尋梅》都係佢「飛佛」,所以佢好欣賞呢齣戲嘅導演翁子光,之前Jessie喺拍微電影嘅時候都接觸過翁導,好欣賞佢平實嘅性格,同對電影嘅執著,亦都好好清楚觀眾鍾意睇啲咩,所以希望第時有機會跟翁導學吓嘢啦!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: 溫俊鏘

拍攝: Anthony Leong

剪接: Candy

美術: C.Ming

Hair+Makeup: EM Makeup

鳴謝:

[Corporate]- Beacon tutorial-Logo_2015

贊助獎品

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容