球星爸爸曬親情

球星爸爸曬親情

平時睇波見啲球星踢波一啲都鍚身,衝鋒陷陣,又勇又猛。不過球星都係人,離開咗球場,都係一個平凡嘅爸爸。

Cristiano Ronaldo基斯坦奴·朗拿度 – 葡萄牙

葡萄牙前鋒基斯坦奴(C朗),喺2010年搵代母生咗個「茨菇腚」,做咗未婚爸爸,小C朗雖然冇媽咪,但係老豆C朗就錫到佢燶,曾經有傳媒影到,C朗一踢完比賽,就即刻飛返馬德里,冒雨親自接個仔放學。

Fernando Torres 費蘭度·托利斯– 西班牙

西班牙前鋒費蘭度托利斯又靚仔又好波,所以楊千嬅同丁子高都用咗佢名Torres,做個仔嘅英文名。生咗一仔一女嘅費蘭度托利斯,感情同家庭生活都比較低調,不過佢生個細仔嗰陣,就缺席咗一場比賽,睇得出佢對屋企人相當重視。

Arjen Robben洛賓 – 荷蘭

荷蘭翼鋒洛賓,生咗兩個仔一個女,嚮往家庭生活嘅佢,不時被傳媒影到3代同堂嘅溫馨場面,好爸爸形象深入民心。

Lionel Messi美斯 – 阿根廷

2012年球王美斯嘅女朋友幫佢生咗個仔,叫泰亞高美斯。當時美斯喺醫院包咗一間豪華產房,房間嘅落地玻璃仲可以望到附近嘅的魯營球場,美斯仲全程陪產,親自迎接小生命出世。

 

更多精選內容