I Figured It Out – 黃衍珩

I Figured It Out – 黃衍珩

拔萃仔Summer(黃衍珩),曾經最愛籃球;曾經係俾人捧到上天嘅「天才控衛」;曾經希望以籃球作為終身職業。可惜一次傷患,令佢暫時被迫要忍痛同籃球「分手」,心情有機灰,可想而知!經過時間嘅治療,身邊人嘅支持,佢終於走出低谷,可以好有自信咁講一句:「I Figured It Out!」

0810

好多人都話拔萃仔自信爆棚,觀乎Summer嘅言行舉止,都會感受到佢係個好有自信嘅人,正因為咁,傷患對佢嚟打擊就更大。夢想幻滅,成個人頹哂!如果當時唔係得一個喺佢身邊不斷鼓勵佢,佢根本都走唔出呢個黑暗期。

1070r

因為今次受傷,令佢可以再走到另一個位置,更宏觀咁睇番自己條路,令佢更加覺得運動員嘅生命太短暫,努力讀書先至係最可靠!而佢亦都好希望實踐佢對「嗰個人」嘅承諾,考好個DSE,考入中大法律系。

0965r

Summer本身都係「屋邨仔」,所以佢好明白低下階層人士嘅苦況,所以佢得閒就會幫啲南亞裔人士補習中文,等佢哋可以提升競爭力,可以擺脫生活上嘅艱難。

0887r

可以入到DBS讀書,Summer覺得好感恩!佢覺得學校令佢培養出敢言、有擔當嘅個性;因為不甘落後於人,而不斷鞭策自己去進步,即使未來投身社會,亦都可以受用。

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: 溫俊鏘

拍攝: Anthony Leong

剪接: Candy

美術: C.Ming

Hair+Makeup: EM Makeup

鳴謝:

[Corporate]- Beacon tutorial-Logo_2015

贊助獎品

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容