?

自己餵自己研究所

專欄

廣告

“小B識自己筆飯喇!!!”

相信很多媽媽看到這一幕都會興奮得高呼出來!

被視為最艱鉅的湊B偉大工程:

  1. 自己筆飯食
  2. 戒片

經過半年的循序漸進, 20個月大, 成功自己食晒一碗通粉, 麵條或軟飯,

總算完成了第一項偉大工程!!

 

粒粒皆辛苦的小B筆飯大作戰:

 

8個月 – 開始對匙羹有興趣, 可以拿著研究上半小時

 

14個月– 自己筆倒幾啖生果糊仔

 

16個月 – 喜歡用义拮食物 , 每次拮倒都超滿足~

 

18個月 – 將生果切成粒狀, 小B可以用义自己食完一細碗生果, 食完仲自己攞去廚房俾媽媽洗, 好有手尾, 讚!!!(小B是生果控, 用他喜歡的食物作誘導, 事半功倍啊!!)

 

19個月 – 餸菜會切成粒狀, 小B用义拮餸, 媽媽用匙羹餵飯, 但是小B每次攞起匙羹, 都當作义來用, 唉…..

 

20個月 – 集中訓練小B用匙羹, 收起义,捉著小B手仔用匙羹筆, 不過很多時都筆唔倒飯上來, 或只筆倒幾啖…

練習了數天, 小B自己成功筆倒幾次, 但就不願再筆。

綜合各媽媽的心得, 小朋友都有依賴的心態, 認為只要自己唔筆, 媽媽始終會餵, 所以會恃寵生驕,

當然媽媽不會讓小B成為這類小朋友, 故此這星期每餐跟小B說:

“你已大個仔,要自己識筆飯了,我知你自己識得筆,所以媽媽下星期唔會再餵你” 俾定心理準備小B。

同時從其他媽媽口中得知, 飯的確較難筆, 通粉會較容易, 於是用加了兒童汁料的通粉作嘗試。

 

20個月2星期 – 第一次嘗試, 媽媽決定狠下心, 限時一個鐘, 小B自己筆倒幾多就幾多,

不會餵, 筆唔倒冇得食, 要捱肚餓~ 點知….. 第一次放手小B就食倒大半碗!! 抵讚!

不過晚餐出外食, 太多引誘….只食倒幾啖, 媽媽堅持冇餵, 等小B嘗試捱肚餓的滋味。

第二日, 小B肯嘗試, 但只食倒半碗, 夜晚, 煮了兒童蕃茄麵, 小B勁愛, 半小時內自己食完!

第三日….第四日….第五日….見倒小B每日在進步, 媽媽感動了!!

 

小b超喜歡的蕃茄麵, 加入菜心, 粟米, 豬肉碎, 剪碎麵條就食得, 簡單方便。

 

牛肉洋蔥紅蘿蔔粟米字母粉, 小b都食得好開心~

 

作為媽媽, 有時果然需要退一步, 子女才會再進一步,

作為媽媽, 最大的滿足感莫過於見證小B每天在進步!!

各位媽媽一齊加油!!!