地氣美女 – 周霏霏

地氣美女 – 周霏霏

有「仙氣」嘅女神,唔會隨街見得到;一個可能會喺你身邊出現嘅身影,當佢經過你身邊,會令你回頭一望嘅,會唔會更接地氣?喺浸大電影學院讀緊acting嘅周霏霏,係個笑容有甜度,有藝術氣質;性格獨立,追求貼地、實際嘅女仔。

6375

想做演員又唔等如係發明星夢嘅!霏霏係好想成為一個演員,喺讀電影之前,已經讀完translation ,仲做過一年嘢,儲咗少少錢,於是就邊做嘢,邊供自己讀書,希望可以接受專業訓練,去達成自己嘅夢想!

6799

喺Year 1嘅時候,霏霏已經好積極咁周圍去casting,就算幾遠,幾多人爭,佢都唔會放棄每一個機會。所以佢嘅拍攝經驗都唔少架!電影、港台電視節目、廣告、微電影、MV,佢都拍過哂!雖然而家仲未係主角,但係你點知佢遲啲唔係呢!

6497

喺咁多拍攝經驗當中,霏霏話最難忘就係拍《12金鴨》喇,雖然戲份唔多,但係係第一次拍戲,而且仲同吳君如謝霆鋒有對手戲!霏霏話,君如嘅氣場好勁,企佢隔離都幾緊張;而霆鋒真人都真係好chok,不過真係好有型啦!

6556

除咗演戲,霏霏喺音樂方面都好天份架!鋼琴、豎琴、手鈴,打鼓佢都識,豎琴仲係大個咗之後,佢自己搵錢去學嘅。佢話豎琴嘅聲音好好聽,而且令我覺得好平安,好想學識將呢種聲音分享俾更多嘅人。

6918

霏霏話,想做一個實力派演員,終極嘅夢想,梗係做埋影后啦!所以佢唔止識得爭取機會去實習,上堂讀書都一樣好比心機架!今年仲因為成績好,有機會跟學校嘅study tour,去柏林影展見識吓TIM!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: Clay Lam

拍攝: Anthony Leong

剪接: Candy

美術: Linda

Hair+Makeup: EM Makeup

場地:AIA歐陸嘉年華

鳴謝:

[Corporate]- Beacon tutorial-Logo_2015

贊助獎品

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容