十大抵食時令煲仔菜 

十大抵食時令煲仔菜 

這個冬天雖然不太冷,只係涼涼哋,有時間中轉冷,就好想食番啲熱辣辣美食,煲仔菜就係其中之一。
食煲仔菜,識食自然係去大牌檔,舊式菜館,抵食之餘又夠鑊氣,特別熱辣惹味。

坤記煲仔好了得

{"IPTC-DATA":"NMG","data":{"photoID":2332526}}1. 薑葱田雞煲$95:田雞腿肉實完整,肉厚鮮美,好惹味。

西環坤記的煲仔飯賣到街和巷聞,其實煲仔菜都不錯,鑊氣足,款式又多,冬天有近四十款合時煲仔菜選擇,簡直花多眼亂!就是田雞煲,就有薑葱、栗子、生根和啫啫四款口味,推介必食薑葱田雞煲,田雞腿肉隻隻結實完整,肉厚又新鮮,簡單以薑葱爆炒,肉厚鮮美,好惹味。

煲仔菜之外,煲仔飯更不可錯過。
煲仔菜之外,煲仔飯更不可錯過。

其他比較舊式的煲仔菜如蓮藕紋腩仔八珍湯煲、荔芋排骨或油鴨煲,都好啱冬天食,煲仔菜價錢由$50至$130,好實惠!難怪經常爆場要排隊。記得去號和益大廈店,有老闆兼大廚坤哥坐鎮,質素有保證。

{"IPTC-DATA":"NMG","data":{"photoID":2332530}}
小店晚晚爆場。

坤記煲仔小菜(舊舖)
地址:西環皇后大道西263號和益大廈地下1號舖
電話:2803 7209
營業時間:星期一至六11am-2pm、6pm-12:30mn;星期日6pm-12:30mn

下頁有:湘江鉗魚煲

大江南北風味煲仔菜

{"IPTC-DATA":"NMG","data":{"photoID":2332501}}

2. 湘江鉗魚煲$78:甜中帶辣的鉗魚,大大件,肉厚連皮,食起來更香口惹味。

開業五十多年的珠江酒家,數年前由入廚三十多年的楊仕明接手後,變得客似雲來。餐牌有300多個菜式,全是大廚的經驗累積,集合大江南北風味,招牌菜潮州蠔爽、椒鹽鴨下巴都好有鑊氣,幾乎檯檯都點。

{"IPTC-DATA":"NMG","data":{"photoID":2332500}}

煲仔菜有神州風味,同時亦有創意,如湘江鉗魚煲、順德魚腐田雞煲、深圳雞煲、瓊山紅炆野豬雞煲、鄉村菜乾豬肺煲,都是大廚的心思,一般小菜館未必有。而XO醬茄子煲、花雕醉雞煲、胡椒雞煲等,算是款式比較普通的煲仔菜。

{"IPTC-DATA":"NMG","data":{"photoID":2332502}}

珠江酒家
地址:太子荔枝角道138號地下
電話:2393 5402
營業時間:星期一至日6pm-2am

下頁有:薑葱魚鰾煲

海鮮老飯店薑葱魚鰾煲

薑?魚鰾煲$75:魚鰾爽脆彈牙,大量薑?僻腥,好有鑊氣。
3. 薑葱魚鰾煲$75:魚鰾爽脆彈牙,大量薑葱僻腥,好有鑊氣。

在太子開業年的新志記海鮮飯店,主打傳統粵菜,招牌菜有燉湯、海鮮小菜和生炒糯米飯。叫得做海鮮飯店,煲仔菜選擇都以海鮮為主,蒜子火腩大鱔煲、薑葱或椒盬焗美國生蠔,濃湯野菌魚肚和薑葱魚鰾煲等。另外亦有大馬站煲、涼瓜火腩煲等煲仔菜選擇,都是數十元至百多元左右,街坊價錢好抵食。

{"IPTC-DATA":"NMG","data":{"photoID":2332382}}
生炒臘味糯米飯是另一招牌菜。

當中推介薑葱魚鰾煲,用料簡單,只有薑葱和魚鰾,簡直唔直錢,但大廚功夫好,下欄亦炮製得令人回味。魚鰾於砂鍋中炮製,上檯時吱吱響,熱辣辣,開蓋即爆發薑葱香味,魚鰾咬落爽脆彈牙,完全唔覺腥味。

{"IPTC-DATA":"NMG","data":{"photoID":2332385}}

新志記海鮮飯店
地址:太子運動場道1號地下
電話:2380 3768
營業時間:星期一至日11:30am-3pm、6pm-2am

下頁有:微辣雜菌雞煲

大牌檔60年小炒王

{"IPTC-DATA":"NMG","data":{"photoID":2332399}}
4. 微辣雜菌雞煲 $88:雜菌微辣,冰鮮雞都好惹味。

在深水埗紮根六十多年的大牌檔愛文生,現在是第三代經營,鑊氣小炒和煲仔菜式最受街坊歡迎。牌檔沿用舊式火水爐,火力猛過一般石油氣爐,加上大廚經驗老到,每一道菜式都炒得剛剛好夠熟,熱辣辣又好有鑊氣。

{"IPTC-DATA":"NMG","data":{"photoID":2332404}}

煲仔菜式有近20款選擇,唔少得啫啫雞煲或啫啫骨煲,加入豬膶,味道更豐潤。另外又有紅炒頭腩煲,沙爹牛肉粉絲煲、生菜鯪魚球煲、魚香茄子煲、砂窩魚頭煲等,款式比較大路,亦無貴價用料,以鑊氣取勝。價錢也平民,最便宜$68起,最貴的蒜子火腩白鱔煲亦不過$138。

{"IPTC-DATA":"NMG","data":{"photoID":2332403}}
火水爐火力猛過一般石油氣爐。

愛文生
地址:深水埗荔枝角道215號
電話:2393 9315
營業時間:星期一至日6pm-1am

下頁有:三杯鴕鳥肉煲

南洋風味鴕鳥煲

San Bei Ostrich Meat in Claypot1
5. 三杯鴕鳥肉煲$106(小):鴕鳥肉夠晒鑊氣,味道似牛肉,低脂健康。

上月開業的新加坡過江龍樂天客棧,主打南洋風味家鄉菜,匯集了昔日福建、潮州、廣東、上海和海南僑民的家鄉菜式,加上現代烹調手法,創製別有風味的南洋風味中菜。當中有不少煲仔菜,如三杯鴕鳥肉煲、砂煲花菇西蘭花扣海參和南乳羅漢素菜煲,熱辣保溫,同時又有大牌檔的鑊氣感覺。

Classic Braised Pork Trotters10
6. 家鄉鹵元蹄$108:元蹄鹵得入味又軟腍,以煲仔熱住上,食到尾都唔會變涼。

當中必食三杯鴕鳥肉煲,以客家著名三杯製法,即是用了酒、豉油和麻油三種配料,加上九層塔、薑和蒜頭,於煲仔中將鴕鳥肉快炒至剛剛熟,上檯時熱辣辣,香噴噴。鴕鳥肉味道似牛肉,低脂健康,一般小炒館未必食得到。另一款招牌菜家鄉鹵元蹄,是以傳統八角和胡椒等鹵水汁浸製,鹵上至少6小時,令元蹄完全入味,而又保持肉質腍滑鮮嫩,以煲仔熱住上,食到尾都唔會變涼。兩款菜式只賣約$100,價錢公道。

Paradise Inn - Interior Design in Modern Style

樂天客棧
地址:大角咀奧海城2期UG樓UG09號
電話:2177 0760

下頁有:胡椒雙肚雞煲

潮式煲仔Mix & Match

FishMaw1
7. 胡椒雙肚雞煲$218:雙肚即胡椒豬肚和魚肚,有胡椒香辣,而吸晒濃湯的魚肚,更是精華所在。

這幾年食雞煲食厭了?新派潮粵菜館翡翠小廚有新意思,將潮州名菜胡椒豬肚煲與雞煲結合,再加入魚肚,製成胡椒雙肚雞煲,豬肚和雞件味道香濃,帶點胡椒的香辣,魚肚如海綿一樣吸滿濃湯精華,滋味又暖胃。

StewedMutton1
8. 枝竹冬筍羊腩煲$268:帶骨羊腩入味香濃,更不要錯過吸晒湯汁的枝竹。

另一款枝竹冬筍羊腩煲,亦是冬日必食的時令煲仔菜。採用帶骨羊腩,汆水斬件後以白鑊炕至乾身,與醬料一齊爆透後,以文火炆煮至肉稔而不爛,羊腩煲加入時令冬筍,添了一份清香鮮甜味。枝竹盡收湯汁,更是美味,御寒必食。另外還有芋頭魚頭腩煲,於煲仔中邊滾邊食,愈滾愈香。

翡翠小廚
地址:太古康山道1號康怡廣場3樓T4號
電話:2554 6338
供應期:即日至1月30日

下頁有:砂鍋薑蔥雞蟹煲

創意粵式薑蔥雞蟹煲

冬日饗宴系列 - 砂鍋薑蔥雞蟹煲_海參臘肉炆蹄筋
9. 海參臘肉炆蹄筋煲$108、 10. 砂鍋薑蔥雞蟹煲$238:海參和蹄筋有臘肉的鹹香,而雞蟹煲亦好有新鮮感。

美心皇宮的冬日饗宴,集合多款粵式秋冬補饌,當中的煲仔菜式都好有新意,兼具滋補功效,推介暖笠笠的煲仔海參臘肉炆蹄筋,以冬日必食的臘肉為海參和蹄筋提鮮,令海參和蹄筋添上鹹香又有爽彈質感,風味獨特。另一款老薑胡椒浸水魚亦是以煲仔制作,是胡椒豬肚雞的變奏,以骨膠原豐富的水魚代替豬肚,加入老薑、胡椒和米酒炆煮,滋補暖身。

冬日饗宴系列 - 雪菜肉碎煮銀蘿_白灼翡翠豆腐絲_生扣包心芥
雪菜肉碎煮銀蘿、生扣包心芥等煲仔菜式,都係$100內有交易。

另一款砂鍋薑蔥雞蟹煲亦好抵食,每煲有一隻肉蟹,加上大量雞件,足夠4個人分享。而雞與肉蟹看似風馬牛不相及,但結合成煲仔菜,其實味道亦好合拍,鮮味十足。另外亦有雪菜肉碎煮銀蘿、生扣包心芥等煲仔菜式,都係$100內有交易。

美心皇宮
地址:九龍灣德福廣場第1期G54號舖
電話:2750 8028
供應期:即日至1月25日(1月31日至1月1日除外)
供應分店:全線美心皇宮、以及全線翠園(美心‧翠園除外)、映月樓、翠玉軒、怡翠軒、海逸軒、八月芳、八月花、八月居、八月軒及全線八月

撰文:Fiona Chan
相片:新傳媒資料室及有關機構提供
※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容