聖心彈弓人 - 陳銘琛

聖心彈弓人 - 陳銘琛

今年14歲,已經有6呎高嘅陳銘琛,係西沙區嘅學界萬能俠,生得高大,彈跳力驚人,而且籃球、排球、足球、田徑範範都掂,上個學年仲入選香港男子排球青年軍! 得佢嗲哋同媽咪嘅極力推薦,而家仲上埋《學界男女神》tim!
2918

只得14歲就有6呎高,琛仔話唔止對打波好有優勢,對日常生活都有唔少方便,例如話如果有女同學要擒高攞嘢,佢就可以輕易咁幫到手。(哦… 咁即係對識女仔有幫助?)

3375

琛仔而家喺聖母無玷聖心書院讀緊中三,係沙田區嘅名英中,曾經三年出過八優狀元,唔少新聞工作者,好似梁文道、龔偉怡等,都係聖心嘅校友。不過琛仔雖然覺得唔少同學,尤其球隊隊友都好有好勝心,不過學校本身冇咩特色,所以都諗緊好冇轉校。

3065

平時琛仔最鍾意就係打波,真係係圓嘢嘅佢都鍾意打,佢媽咪更加話,如果佢讀書有咁投入就好喇!不過把口雖然係咁講,但係琛仔嘅嗲哋媽咪都好支持佢嘅!而且琛仔本身都好有鬥心,佢話最鍾意同啲大過自己嘅人打波,因為可以挑戰自己!

3181

除咗打波,琛仔最鍾意唱歌同彈結他,佢話係好好宣洩情感嘅渠道喎!不過佢媽咪就爆俾小編聽,琛仔轉數好快,平日最鍾意就係唱惡搞歌,仲識得自己改歌詞tim!(可惜佢死都唔肯表演吓啦~)

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影: 溫俊鏘

拍攝: Anthony Leong

剪接: Candy

美術: C.Ming

Hair+Makeup:[email protected] EM Makeup

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容