三棗茶 – 大人小朋友都啱飲

三棗茶 – 大人小朋友都啱飲

天氣凍凍地嘅時候,又令我諗起要煲返啲嘢可以暖身得嚟又可以補身,當然第一時間就諗起紅棗茶啦!正當我去藥材店買材料時,店員就介紹左我煲另一款嘅茶,仲話好啱小朋友飲。

一聽到啱小朋友就即刻諗都唔洗諗,買齊材料煲依個三棗茶,同小小豬一齊補補佢啦!

紅棗茶相信好多女仕都一定成日煲嚟飲,因為可以補氣血,飲完仲唔係面色紅潤我鍾意…哈哈哈!

原來將紅棗、南棗同埋蜜棗一齊煲,除左對補氣血更有效用之外,因為棗類都有抗過敏作用,所以對氣管敏感而引致容易咳嗽都會有調理作用。補益得來不會太燥火,所以對好啱小朋友飲用。

材料超簡單,只需要紅棗6粒、南棗2粒及蜜棗1粒~
IMG_7884

下頁有:做法

將紅棗及南棗去核之後切絲,蜜棗就切開數片~
IMG_7885

將全部材料連3碗水放入煲內~
IMG_7889

待煲滾後,然後改用慢火煲大約30分鐘~
IMG_7901

話咁快就飲得啦~
IMG_7912

由於棗類本身都有甜味,所以完全唔洗再加糖都夠甜了。不過….小小豬一見到杯烏卒卒嘅飲品,佢都已經十萬個不願意,最後好慘情地先飲左一杯~
DSC00037

其實又唔係難飲呀,同比平日嘅紅棗茶仲更加甜添,一晚像飲兩杯真係成晚都覺得暖笠笠,都幾好呀。可能只係小小豬嘅心理障礙影響,飲多幾次就習慣啦….哈哈哈!

依款茶對補血養顏都好有功效,所以除左整俾小朋友飲之外,我地大人都一樣要飲多啲。

有時候如果唔太方便煲嘅時候,可以將啲材料放入真空壼內沖泡飲用,咁就幾時都可以補下身體,好好愛錫自己呀!

更多精選內容