那些年爆紅 Twins 唱過嘅兒歌

那些年爆紅 Twins 唱過嘅兒歌

如果你唔係 Twins Fans,可能你唔會留意佢哋原來成立咗15年,啱啱仲開咗一連5場跨年演唱會(12月31日至1月4日)添!不過阿Sa(蔡卓妍)一句「然後買襪買衫可以做風紀」強行填詞喺網絡瘋傳,然後唔少入場睇演唱會但又唔係佢哋Fans嘅人都話:「入到去又真係首首都識唱喎!」咁梗係啦!話晒 Twins 都紅極一時,當時好多情歌,暗戀呀⋯⋯失戀呀⋯⋯都腰心腰肺,演唱會唱嘅歌,相信都勾起好多80後嘅回憶。

url

20031122154942

其實除咗80後,90後一班少女都係由細聽 Twins 大喎! Twins 出道一年唔夠就開始唱兒歌,仲好受小朋友歡迎,成為唔少小朋友嘅偶像,所以喺2003年至2004年間便順勢先後推出咗4隻英文兒歌VCD<Singing In The Twins Wonderland> ,唔少幼稚園仲拎嚟做教材,父母都會買嚟俾小朋友聽。

unnamed

1440x1800sr

提到 Twins 嘅的兒歌,你哋又記得邊首呢?

下頁:細數Twins 唱過嘅兒歌

2002年及2003年,係兒歌鼎盛嘅一年,由於候選兒歌眾多,呢兩年仲分咗上下年半舉行《兒歌金曲開心嘉年華》同《兒歌金曲頒獎典禮》, Twins 唱嘅兒歌都有上榜,其中兩首為卡通片<哈姆太郎>配唱嘅<跅跅步哈姆太郎>同<200%的咒語>,更勇奪2002年及2003年度全年至尊兒歌金曲大獎。

twins2

<跅跅步哈姆太郎>

卡通片<哈姆太郎>(第一輯)主題曲,奪得2002年《兒歌金曲開心嘉年華》十大兒歌及十大兒歌金曲銀獎及2002年《兒歌金曲頒獎典禮》全年至尊兒歌金曲。

<200%的咒語>
卡通片<哈姆太郎>(第一輯)片尾曲,奪得2003年《兒歌金曲開心嘉年華》十大兒歌及十大兒歌金曲金獎及2003年《兒歌金曲頒獎典禮》全年至尊兒歌金曲。

<百試不厭>
奪得2003年《兒歌金曲頒獎典禮》十大兒歌金曲及兒歌金曲銀獎。

續下頁

<齊來手牽手>
卡通片<哈姆太郎>(第二輯)片尾曲,奪得2004年《兒歌金曲頒獎典禮》十大兒歌金曲及兒歌金曲金獎。

<光之美少女>
卡通片<光之美少女>主題曲,奪得2006年《兒歌金曲頒獎典禮》十大兒歌金曲。

<世界真細小>
同梁洛施、Boy’z、鄭希怡等合唱,奪得2005年《新城勁爆兒歌頒獎禮》新城勁爆兒歌及年度金曲

<米奇幻想曲>
其實2005年《新城勁爆兒歌頒獎禮》中,仲有呢首<米奇幻想曲>奪得新城勁爆兒歌,不過小編搵唔到呀!

twins1

更多精選內容