那些年爆紅 Twins 唱過嘅兒歌
廣告
如果你唔係 Twins Fans，可能你唔會留意佢哋原來成立咗15年，啱啱仲開咗一連5場跨年演唱會（12月31日至1月4日）添！不過阿Sa（蔡卓妍）一句「然後買襪買衫可以做風紀」強行填詞喺網絡瘋傳，然後唔少入場睇演唱會但又唔係佢哋Fans嘅人都話：「入到去又真係首首都識唱喎！」咁梗係啦！話晒 Twins 都紅極一時，當時好多情歌，暗戀呀⋯⋯失戀呀⋯⋯都腰心腰肺，演唱會唱嘅歌，相信都勾起好多80後嘅回憶。
其實除咗80後，90後一班少女都係由細聽 Twins 大喎！ Twins 出道一年唔夠就開始唱兒歌，仲好受小朋友歡迎，成為唔少小朋友嘅偶像，所以喺2003年至2004年間便順勢先後推出咗4隻英文兒歌VCD<Singing In The Twins Wonderland> ，唔少幼稚園仲拎嚟做教材，父母都會買嚟俾小朋友聽。
提到 Twins 嘅的兒歌，你哋又記得邊首呢？
下頁：細數Twins 唱過嘅兒歌
2002年及2003年，係兒歌鼎盛嘅一年，由於候選兒歌眾多，呢兩年仲分咗上下年半舉行《兒歌金曲開心嘉年華》同《兒歌金曲頒獎典禮》， Twins 唱嘅兒歌都有上榜，其中兩首為卡通片<哈姆太郎>配唱嘅<跅跅步哈姆太郎>同<200%的咒語>，更勇奪2002年及2003年度全年至尊兒歌金曲大獎。
<跅跅步哈姆太郎>
卡通片<哈姆太郎>(第一輯)主題曲，奪得2002年《兒歌金曲開心嘉年華》十大兒歌及十大兒歌金曲銀獎及2002年《兒歌金曲頒獎典禮》全年至尊兒歌金曲。
<200%的咒語>
卡通片<哈姆太郎>(第一輯)片尾曲，奪得2003年《兒歌金曲開心嘉年華》十大兒歌及十大兒歌金曲金獎及2003年《兒歌金曲頒獎典禮》全年至尊兒歌金曲。
<百試不厭>
奪得2003年《兒歌金曲頒獎典禮》十大兒歌金曲及兒歌金曲銀獎。
[youtube id=”2cdBh43R2Lo”]續下頁
<齊來手牽手>
卡通片<哈姆太郎>(第二輯)片尾曲，奪得2004年《兒歌金曲頒獎典禮》十大兒歌金曲及兒歌金曲金獎。
<光之美少女>
卡通片<光之美少女>主題曲，奪得2006年《兒歌金曲頒獎典禮》十大兒歌金曲。
<世界真細小>
