媽媽的覺悟 3

媽媽的覺悟 3

新一年,先要反省下…

剛過去的假期,我們去了韓國,Ocean想學滑雪。

話說Ocean學運動一向快上手,加上有ice hockey底 ,佢上左兩節課就已經可以玩到中級賽道。

 

對於我和爸爸厘D老骨頭…It is difficult to teach old dogs new tricks,當然是在初級之中的初級奮勇作戰啦。

結果就係,OO要降級陪我倆老喇。

 

咁Ocean 呢,就好想我有進步,每次跟我地上去初級賽道練習,佢就會問:

“媽媽,練習好未?得未?可以過Penguin(另一條長一點斜一點的賽道)未?”

“未得?OKOK,我可以教你?”

“要唔要我再做俾你睇?”

“你邊處唔明?我可以再教你” …過多幾次…又問…好煩!

 

終於我頂佢唔順,就話喇 “未得啊…得就話你知囉…(心裡其實加多句…“你煩唔煩嫁”…)” 再之後,頂佢唔順…book多個教練帶左佢上山,放過我吧…

之後我同蘇醫生就好安樂咁慢慢練習喇。

 

哪…咁我係一個會反省的媽媽…(續下頁)

厘個經驗讓我更體諒小朋友:

 

1. 做緊一D唔擅長的事,就好似我學滑雪,本身已經好有壓力。隔離有人係到阿芝阿佐,就算態度好似Ocean咁溫柔,咁體貼(即係我平時叫佢做野的語氣),其實都真係好煩氣。媽媽們,唔好唔認自已煩氣喇…煩氣係女人的天性,唔認唔代表你唔煩氣。

 

2. 我做阿媽覺得佢煩,我可以用錢買自由。當然唔係買兇殺左佢,即係俾錢搵人帶佢去玩唔好搞我。但係小朋友呢?佢地只可以硬食。硬忍我地的煩厭,真係好慘。

 

3. 有時候,學習係要有個空間。死chur住個小朋友做無用。Ocean被掉走後,我有繼續練習佢教我D野,我慢慢自己體會就慢慢OK喇。好過佢成日問住我。

 

4. 每個人有每個人學習的節奏。有D人理解快D,有D人慢D。我之後都有同Ocean講,有D人,學運動項目快上手D好似佢咁,但有D人慢D,似媽媽。但學其它野又會唔同左,所以無辨法嫁。佢都話只要努力過就可以喇。

 

5. 真係嫁,好supportive咁哦,當然好過語氣態度差那款啦…唔…你懂的…但其實一樣有pressure的,慎用。

 

6. 最簡單…常常提醒自己…唔好咁煩啦!哈哈哈!

 

更多精選內容