工廈 室內場 卡丁飛車玩飄移

工廈 室內場 卡丁飛車玩飄移

係香港地想玩賽車,由於土地問題,幾乎係冇可能嘅事。不過,記者發現最近觀塘工廈有個小型賽車場,就攞正牌專玩電動卡丁車,更大玩飄移做噱頭,不論是否車友,聽到都心郁郁想試!駕駛技術唔使識,純粹要求有膽識,手拉飄移桿就「片」到個靚彎!

car4
大家可以戴埋護膝及頭盔,咁就萬無一失啦。

無牌駕駛 飄移境界
其實呢個所謂賽車場,本身係賣卡丁車代理公司,由於需要地方試車,於是索性改埋工廈單位做賽車場,三千幾呎空間化身賽道。有大、中、細揀,平均時速20km,最普遍的中車最高負重都有成百四磅,如果自命大件頭的可俾多十蚊揀大車,最高負重更去到兩百四磅。

car5
三千多呎的工廈單位,打造出一個五個彎位的賽道俾大家試車。

雖然賽道唔算好長,幾十秒已經兜完一圈;但醉翁之意不在酒,因為打正旗號玩「飄移」,所以彎位夠多先係重點!賽道雖唔算迂迴曲折,但仍有五個彎位俾大家「劈」住去。踩油、扭軚至入彎一刻,手執飄移桿一抽,兩隻後轆就會「解鎖」可轉360度,縱向移動的「飄移」就係咁易做到!由於「飄移」一刻需要左手單手控制「軚盤」, 若操控唔好或「速度」太快,就有機會打白鴿轉呢!

car3
由左起是加大版、細版及小朋友專用的迷你版,一般人用中間的細車已經夠玩。

續下頁

由於卡丁車的軚盤圈數細,不論左右只要扭半圈,前轆已經可以180度, 所以轉彎時只需扭少少已足夠。

car6

一拉起飄移桿,車底就會升高為後轆解鎖,兩隻後轆均可360度轉動。

car7

飄移逐格睇

FLY1
入彎前先微微扭軚向左轉,為偷位預先準備。
FLY2
此時繼續踩油,立即扭右,進行窄角度轉向。
FLY3
準備收一收油門,再次軚扭左,右手同時拉動一下飄移桿。
FLY4
卡丁車後轆就會解鎖,縱向而行,此刻雙手放回軚盤上保持車身穩定。
FLY5
完成「飄移」動作;重複第一個步驟,迎接下一個彎位。

縉泓科技有限公司
地點:觀塘開源道73-75號業及工業大廈二期9樓H 室
營業時間:12:30pm-12mn
費用:細車每5分鐘$40起
查詢:3428 5298

更多精選內容