下個月去呢度!白石燒烤玩埋充氣彈彈

下個月去呢度!白石燒烤玩埋充氣彈彈

白石燒烤場最近以全新姿態捲土重來!相信不少人早年都曾到訪舊白石的燒烤場,最近新場重修,門口兩大棵椰樹令人猶如置身東南亞度假。燒烤區分室內外場,共兩百多個爐,地方逾十萬呎,全新設施乾淨靚仔。最令人期待嘅係2月13-14號(初六及初七)有彈床嘉年華啊!過完年都仲有好節目!

945851_480580215479053_4383697368463209237_n

全港首個戶外8大彈床相連的充氣嘉年華將會來到白石燒烤場,咁淨係玩彈床唔BBQ得唔得呢?梗係無問題啦!彈床嘉年華同燒烤是分開的,不過每一時段只有150個名額,額滿即止,所以家長要早早買定飛啦!

1622269_480580252145716_1341612457128046542_n

10600486_480580275479047_1310982108000309341_n

10478126_482147555322319_117072828085301108_n

日期:2016年2月13-14日
收費:$150 分三個時段
查詢電話:9788 0308

下頁有:BBQ又點計呢?

白石燒烤場有15間獨立冷氣房,內可唱K及打牌,燒烤爐就在大門外,各有洗手盆,極為方便!而食物方面有七十多款,可揀套餐或散叫,千八蚊有找的十人套餐最受歡迎。若自命食肉獸,不妨散叫特色食物如乳豬仔、波士頓龍蝦尾及安格斯牛扒等。場內迎望向吐露港海景及八仙嶺山巒,在靚景相伴下歎燒烤,真係分外美味!同場仲有草地俾小朋友喪跑喪跳,風箏單車或放狗都冇問題,仲有幾架古董車長駐俾大家任chok任影,絕對係假日充電的好地方,如果好天仲有magic moment 免費附送!

白石
場內有八間獨立屋,消費按房間大小及人數而定,逢周五至周日必爆,價格由十人套餐的$3,488,至四十人套餐$10,488不等。
白石2
地理位置極佳,坐望吐露港,有山有水,景色怡人,黃昏時段更可見鹹蛋黃!
白石3
鍾意海鮮的朋友唔好錯過呢兩款,越南虎蝦($98/ 兩隻)手指公咁粗,帶子($68/ 三隻)燒起時蒜香撲鼻!
白石4
想睇景又怕日曬雨淋?場內亦不乏有瓦遮頭的爐區,一樣可以對住靚景燒烤。

白石燒烤
時間: 1pm-11pm(周一至周五)、10pm-12mn(周末)
地點:馬鞍山白石1950號
價錢:人均消費$150
查詢:2744 8188
交通: 馬鐵烏溪沙站轉乘的士(不跳錶),或於新港城轉乘免費巴士(預先致電查詢)
泊車: 250個,首三小時免費,過後$10/小時

撰文:Fiona Fong、林斌

相片:新傳媒資料室、相關機構Facebook

 

更多精選內容