低調男神 – 張禮和

低調男神 – 張禮和

又話低調,又要做男神?係咪玩嘢先?不過諗真,其實有咩問題呢?你有幾可見到古天樂冇戲拍會周街行?睇咗金城武幾廿年,究竟佢屋企係喺日本定台灣,你又知唔知?演員都係一份工啫!同樣話自己好低調,喺BU讀緊電影嘅Jerald張禮和,第時都想入電影行,做演員或者攝影師,不過睇佢濃眉大眼,對住鏡頭又識畀反應,都幾有潛質做新一代男神喎!

5163

喺未讀電影之前,其實Jerald都唔多習慣面對鏡頭,佢話初初覺得做model好似好扮嘢、好作狀,好難接受自己成日喺度chok,睇番啲相會好尷尬、好奇怪。不過因為讀咗呢科,接觸多咗幕前嘅工作,先開始慢慢習慣。

5319

Jerald其實唔覺得自己特別靚仔,甚至會諗自己個樣係咪好大路,因為好多新認識嘅朋友,都會話Jerald好似佢哋嘅中學同學或者同事,所以佢有時都會覺得自己就好似一般路人咁,都係有有眼耳口鼻啫!

5250

Jerald靚仔得嚟又高大,如果佢第時真係做演員,都好有做男一嘅條件丫!不過鍾意走嘅戲路,都真係有啲估唔到喎!佢話如果有得揀,台灣金馬影帝,專做小人物嘅李康生,同喜劇之王周星馳,都係佢鍾意嘅演員風格,雖然好大分別,但幾有挑戰性!

5099

讀埋呢個學年,Jerald呢個High-dip課程就讀完喇,佢話之後都想繼續升學,繼續讀電影,因為而家學嘅,係技術上嘅知識比較多,再讀上去可以了解多啲理論,幫到自己擴闊眼界。

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影: 溫俊鏘

拍攝: Chiu

剪接+美術: Ks

Hair+Makeup: [email protected] Makeup

鳴謝:Partyland及I’s Land Cafe (提供場地)

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容