【台灣親子遊】聖誕遊台灣 之 第一站宜蘭 (下)

晶英酒店真係一個好啱一家大細住嘅地方，8樓9樓客房有得玩車，而6樓就係check in大堂，有好多遊客都慕名而來食櫻桃鴨嘅中菜廳，亦有西餐廳(食早餐嘅地方)。

一落到4樓仲開心，因為全層都係餐廳同food court，日本料理最多，有炸物料理、有ShabuShabu火鍋、有和民、有拉麵等等，另外仲有韓式泰式中式意式料理。

我們第一晚就book咗位食shabushabu，記得早少少打去預約，又或者食完lunch路過訂定先，因為walkin 多數都無位。

同小朋友出門，我都會幾著緊一日幾餐食D咩，所以出發前都會做定功課，如果帶小BB出埠，我會帶旅行飯煲，可以每日煲新鮮飯仔粥仔，到埗後就去超級市場買番薯、甘荀、薯仔、瓜菜類放飯面蒸，同埋買新鮮生果刨蓉比BB食，另外都會帶定一樽樽嘅BABY FOOD，有時會坐熱mix埋飯仔一齊食。

大個少少嘅小朋友就多好多選擇，拉麵、烏冬、意粉、飯、Pizza、麵包咩都啱食，唔熱氣唔好太多煎炸就ok，所以我呢兩日如果唔出去其他地方都有大把選擇。

台灣嘅日本料理真係整得幾好味，呢幾日都係主力食日本料理，因為又啱羲廷胃口，又啱我鍾意清淡，爸爸又鍾意食Sashimi。

講返酒店嘅早餐，都有好多好多選擇，早餐係我一日裡面最重要嘅一餐，所以如果酒店嘅早餐好味又多野揀，就可以盡情食100%。

最令人驚喜嘅係有個素食corner，有壽司飯、黑豆漬、鮮淮山、味噌豆腐、豆漿、小麥饅頭等等，仲有自選即榨果汁同大量沙律菜同配料。

下頁：酒店其他設施介紹

宜蘭嘅天氣比想像中更溫暖，所以即刻買返兩件短TEE比爸爸。

我喺呢度掃左好多貨，除左顏色靚，物料仲好好，終於都比我搵到有成880ml嘅暖杯。

返工前放無花果、南杏、杞子加100度滾水、焗幾個鐘飲得，可能心理作用，我覺得特別出味，哈哈….

續下頁

B1地庫有間超級大嘅家樂福，行幾個鐘都唔會行得完。

台灣嘅麵包真係又平又好食，仲有好多好多其他款式，買左一大袋，多到食包都飽！HAHA!

呢度仲一大個GAME CENTRE。

臨check out前果朝終於都比哥哥等到呢架跑車！因為呢架可以行得好快又有音樂，對門又真係開得，好多小朋友都等住坐呢架！如果一早比人mark咗就要等果位小朋友唔玩換車或check out先有機會坐！大家認住呢架車，睇吓有無機會遇到啦！

下篇先寫夜市啦！怕一篇太長睇到大家烚眼瞓 呵呵^^