十優港姐麥明詩 剖白成材之路

十優港姐麥明詩 剖白成材之路

24歲港姐冠軍麥明詩(Louisa),早已躋身「人生勝利組」:出身中產家庭、會考十優、劍橋大學法律系畢業、能歌善舞,還當選港姐冠軍,網民都要講句:乜都俾你贏晒啦!她謙稱自己絕非人生勝利組,在學校亦非年年考第一,只是中游位置,會考只預自己7A,考到10A也震驚到「下巴跌落嚟」。
Louisa坦言自己有今日成就,父母及哥哥的培育佔好大功勞,「自我細個未有認知前,媽咪已經用特別方法去刺激我腦部發展。」她自小朝着讀劍橋的目標進發,在父母幫助下練成多閱讀的自學精神,加上考試技巧而成功。究竟如何煉成一個麥明詩?由她親自剖白。

3_247K_family
Louisa坦言當選後成為談論對象,背負極大輿論壓力,最痛心影響了家人生活,希望能好好保護家人。

多元玩具刺激思維

爸爸是中學副校長,媽媽是職業治療師,麥明詩和哥哥自小在中產家庭成長。當大家開始嫌棄「贏在起跑線」的說法,Louisa卻告訴大家,自己的起跑線確實比人前,不是父母在學業上催谷,而是自小用多種方法刺激腦部思維。「我睇番細個啲相,媽咪買好多玩具俾我哋,小朋友細個就係同玩具互動,諗吓點拆點砌嗰件嘢,可以刺激好多思維。」
好多家長以為玩具冇用兼嘥錢,Louisa證實了玩具好有用,「唔使特別益智,唔係太死板就得,主要係有得思考嘅玩具,唔一定係puzzle、七巧板,可以多樣化,Barbie我都有玩,鍾意幫佢着公主裙。」

小時候兩兄妹又愛玩掟波,興趣班只有畫畫及彈琴,沒被要求攞cert,都是輕鬆學,幫助手眼協調,打通大腦經脈。「重點培育我哋好奇心,由得我哋周圍走,唔會叫我哋坐定定,培育興趣只係學習基本能力,唔係要學到好叻。」

4_247K_family
父母放任她周圍走發掘好奇心,更不吝嗇買玩具,認為玩具可以刺激孩子思維。

K3培養閱讀逐步加深

Louisa一直保持學琴,考到八級,唱歌跳舞才是她最喜歡的,「呢兩樣我攞到成功感,尤其喺外國學校競爭好大,而跳舞我係班中最好之一,搵到自己定位。」
刺激思維、培育好奇心之外,第三就是解難及自理能力,「細個一定要自己?飯食,即使我食足三個鐘,?到成地飯,媽咪都要俾我試,自己諗辦法解決,點樣先可以?飯入口,而唔係怕麻煩叫工人餵我。」

眾所周知閱讀對孩子有益,BB一出世父母就晚晚講故事,催谷孩子睇書,Louisa對小時候有沒有親子閱讀印象模糊,但肯定到幼稚園K3,媽媽才開始培養 其閱讀習慣。「一開始會好唔習慣,覺得悶又唔明白,但佢一路鼓勵我睇多幾本就明㗎喇,慢慢就習慣。好好彩我媽咪一直睇住我進度,當佢覺得我對某個深淺程度 嘅書開始舒服,可以自如咁睇,佢就鼓勵我睇深一層,字眼同句子深啲嘅書,逐步逐步咁進一級。」

5_247K_family
Louisa年紀輕輕就好貪靚,難怪大個選港姐。
6_247K_family
小五開始愛上跳舞,自己找課程去學習。

女拔學生與自己競爭

Louisa的母校拔萃女書院, 全校女精英,人人都熱愛閱讀,「尤其是小學一到小息,個個都拎本書出嚟睇,人拎我又拎,大家營造咗個氣氛出來。」 升到中學後,人人都對自己要求提高,非常用功想做好每一件事,Louisa也被感染到,但並非互相競爭。「大家一齊讀書,目標都係考好會考或高考,所以大 家都知道唔係同對方競爭,而係自己。」
貴為神級名校的女拔,課程應該比一般學校深,Louisa只覺得英文艱深,其他科目只是一般程度。「我哋寫文平均都係寫到大人程度,其他科目就唔係,但校內學習氣氛好,可以推動大家鞭策自己,都唔需要補習嘅,我自己都冇補習,靠哥哥幫手,有唔明就問佢。」哥哥就讀聖保羅男女中學,為何不跟哥哥同校?「因為我小學已經入咗女拔萃,佢小學讀呂明才,中學先入聖保羅男女,係佢跟我讀名校,哈哈!」

7_247K_family
應付公開試單是勤力讀書未夠,必須配合應試技巧,Louisa自言有考試天分,揣摩到很多考試技巧,更提醒學生要看清考核範圍,「記得睇清楚個syllabus讀, 有時老師都會睇錯。」

 

11_247K_family
Louisa笑稱選小太空人要過五關斬六將,「要喺評審面前講speech,過程都好複雜㗎!」
8_247K_family
Louisa成長上一直得到哥哥的照顧,是一個好好的學習榜樣,「不過細個都有嗌交嘅。」

兄妹分校助建立自信

兄妹從沒有在同一學校就讀,其實都是媽媽的悉心安排,Louisa解釋:「媽咪知道我細個自信心不足,見到我一直活喺哥哥影子之下,因為哥哥好多方面都好出色,所以媽咪更加唔想我哋同校有直接比較,令我被標籤為『麥明山個妹』,就安排我哋各自發展。」家長大多貪方便、入學有分加而安排兄弟姊妹同校,但的確有機會令彼此有所比較,影響成長,家長值得想深一層,同校還是分校對孩子發展較好呢?
Louisa在成長上,有哥哥做榜樣,更感激哥哥一直照顧她,「細個佢會睇住我讀書,大個就同我分擔唔開心嘅嘢,好多嘢都以我為先。」Louisa小時候曾當選過的「小太空人計劃」,都是眼見哥哥於2000年入選了,三年後自己跟着參加,「我見到佢咁威,我咪想試下自己得唔得囉。」最後她也順利入選,更適逢中國首位太空人楊利偉訪港,獲派去接機,「我威過阿哥呀!係我人生最風光嘅一刻!呢個計劃都改變咗我人生,我喺學校一向寂寂無名,入選咗之後學校就覺得,原來我都有嘢叻㗎喎。其實諗番都唔知叻咩,都有少少似選港姐,又係要出嚟talk得有膽量,能夠接受挑戰。」

備戰會考做廿年past paper

小時候一次英國旅行,令Louisa充滿人生目標,學習變得更有動力,「當時去咗劍橋,冇去牛津,我覺得劍橋好靚,如果可以喺度讀書真係太浪漫喇。」返港後,一次校內有師姐分享,她會考後沒拔尖,繼續高考,最後升讀劍橋,Louisa就決定要跟這條路考入心儀大學。「我覺得有好成績,係應該好好運用去幫自己追求一啲機會。」
確立目標有動力,加上良好學習環境及自學精神,成就了會考10A之路,「我比其他同學較早完成課程,我預先讀晒,約中五11、12月就開始做會考past paper,所以我比其他人做得多,做咗廿幾年,我2009年考,做到198幾年,啲字體好似打字機字。因為我做得多,所以考嗰陣個心好定,一開卷只覺得係廿幾年past paper嘅其中一份。」

{"IPTC-DATA":"NMG","data":{"photoID":2328782}}
預計自己7A的Louisa得悉做了10A狀元之後,與媽媽相擁,她指備戰時媽媽幫了好大忙,「做廿幾年past paper好多㗎嘛,成日唔記得做咗邊啲,媽咪就每日幫手執三份past paper俾我帶番圖書館做。」

不斷追求不斷追求

Louisa 只預計自己7A,豈料成績喜出望外,「老師話班中有三個10A,講咗兩個之後我都冇諗過係自己,仲發緊吽哣,點知突然話第三個係麥明詩,我好記得當時我個 下巴真係跌咗落去!」她放棄拔尖讀香港的大學,之後自修IGCSE同樣獲10A佳績,英國高考GCE AS全部滿分,SAT I 2280分,SAT subject tests全部滿分,劍橋大學法律系當然即收,圓了她一大夢想。
「香港咁大競爭,與其同人鬥爭,不如諗方法令自己與別不同。」Louisa一語道出,一個10A兼劍橋畢業生,如何再突破自己。Louisa很清楚自己喜 歡法律,但律師並不適合自己性格,「我讀呢科唔係為做律師,係為興趣,法律某程度上係關於社會,分析點解依家啲法律係咁。但做律師要好小心睇細節,合約漏 咗個零好大鑊㗎嘛!億億聲!我唔係呢種性格,鍾意周圍走,多啲挑戰。」至於將來卸任後有何發展,可能又是出人意表,說不定真的去選特首,大家拭目以待。

14_247K_family
Louisa前年在劍橋大學法律系畢業,但她不想做律師,想找尋一些新挑戰考驗自己,去年就決定選港姐豐富人生經歷。

 

備戰公開試三招

1. 多做past paper
每日做三份,一份三小時,連同對答案,總共花十小時以上,不過愈熟練愈做得快,Louisa做一份連對答案約花三個多小時,十科做廿年,做足二百份。

2. 多看評分制度
即marking scheme,要知道不同類型問題,需要甚麼類型答案,想你評論、形容一件事、舉例說明,還是只求一句精簡答案?多揣摩marking scheme就可找到方向。

3. 心理質素
精神放鬆,考前要睡得着,不然會失手。需知道考試前要勤力讀書,但不能被想像中的結果去侵蝕自己,不要想像自己的分數。

溫習三招

1. 打好語文基礎
語文是日後學習的媒體,以前她每日看一本書,並多寫作及謄文,研究如何改進文章,過程中會查成語字典或辭海,去增加詞彙應用。

2. 學習主動性
讀書有好多筆記及課本,只靠背誦和間低重點是很單向的學習,難記之餘亦難以運用,應主動找一些練習或題目去考自己,不懂回答是正常,重點是過程中自己找尋答案,加深記憶。

3. 加強記憶力
多用影像記憶法,圖案比文字易記,可將文字和圖案聯想,或把文字連繫感官,印象會更深刻,好像小時候被人弄傷好痛,多年後仍清楚記得。另外人類有短期記憶和長期記憶,需把短期記憶轉化成長期,前一晚讀完課本後,之後每日抽五分鐘複習,兩星期後仍會記得清楚,否則忘記了又重頭讀起。

 

●撰文:Ling
●攝影:Sing Ho(部分相片由受訪者提供)

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

 

更多精選內容