自家制…神奇冷靜樽

自家制…神奇冷靜樽

前幾日唔覺意睇到教整神奇冷靜樽,睇落又幾啱小小豬用,見屋企又有齊依啲簡單材料,所以就嚟同小小豬整返個嚟訓練/玩下啦!

 

哈哈哈….未開工整時就笑到咁開心,唔知一陣完成後佢仲笑唔笑得出呢~

 

IMG_8356

 

其實小小豬都係一個比較冇耐性又心急嘅小朋友,就好似有時佢做錯事叫佢去冷靜區休息時,佢都會成日以佢嘅音波功問「幾時可以離開呀?」「我坐左好耐啦!(其實都係2-3分鐘左右)」,有時聽到佢啲煩音都真係幾令人火上加油呀!

 

可能大家都會話「你俾個鐘佢睇,講好坐幾多分鐘咪得!」,但…..小小豬係一名數學痴嚟,你俾佢睇數目字反而係益左佢,所以依個辨法又行唔通。

 

所以當我見到依個分享時,就即刻覺得幾啱小小豬,所以就試啦!

 

首先用一個吉膠樽(我用左個HELLO KITTY樽仔,成件事即刻可愛晒),除去招紙後加入室溫水,唔洗太滿嘅因為一陣仲要加膠水呀~

 

IMG_8368

 

續下頁

上次整手工時買左支紅色金粉膠水,所以我主要就用依支吱入水樽度啦~

 

IMG_8377

 

之後將透明膠水注入樽內至九成滿~

 

IMG_8379

 

只係紅色就比較單調,所以我就加左啲金色閃粉,加多少就隨自己喜好啦~

 

IMG_8385

 

先搖一搖睇下個沉澱情況先,如果太快可以加膠水,太慢就可啲清水~

 

IMG_8389

 

哈哈哈….小小豬話紅色唔夠多,要加多啲哦~

 

IMG_8396

 

如果一切都覺得好啱自己心水,就可以用強力膠將樽蓋黐實,咁就會安全啲嘛~

 

IMG_8417

 

下頁:試用冷靜樽

一見個勞作完成左,小小豬已經急不及特不停搖個樽,佢仲話啲金粉係入面飄飄下好靚添~

 

IMG_8416

 

覺得靚就啱啦,即係佢唔抗拒依個樽仔啦,之後我就慢慢同佢講依個神奇冷靜樽嘅用法。

 

IMG_8430

 

出奇地小小豬竟然好樂意用我依個方法,仲識得問「係咪要等啲閃粉落晒係樽底先得呀?」。我依個沉澱速度都大約15-20分鐘左右,係依段時間小小豬又真係幾專心又安靜咁坐定定呀~

IMG_8429

 

(**暫時真係有需要就只係用左三次,不過依幾次小小豬都係好樂意乖乖咁冷靜呀**)

 

真係估佢唔到,咁其實睇住啲閃粉慢慢流動,又真係幾靚,就連我有時得閒都搖下佢,望一陣人都心情好啲呀!

 

更多精選內容