超易玩 最新 消脂 體操Game

超易玩 最新 消脂 體操Game

有邊個唔想減肥?打波唔夠腳,跑步見悶又難捱,有冇嘢係可以玩完一輪之後,不經意地減到肥?今次就為大家介紹呢個 消脂 體操新玩意PRAMA!咪睇小呢幾個格仔,其實玩法千變萬化,不消一陣已大汗淋漓,玩起上嚟真係唔願停呢!

fat02
地方細細一樣可以玩到你攰,場內幾項最新的PRAMA 裝置包括牆身及地下九宮格、兩條以圓點的跑道。
fat03
版面可以自選時間及訓練模式,玩完之後有賽後報告詳細分析,教練玩原地踏步半分鐘有成262下,早前拳王曹星如試玩過更有成300幾下!

勁易上手 玩法多端
今次同大家介紹呢個PRAMA,係來自西班牙健身品牌Pavigym所研發嘅一個健身系統,而呢間OptimumPerformance Studio更是全亞洲首間引入。元祖初代PRAMA本身只有地氈劃線版本,較為乏味,但目前中心就有最新3.0版本,加入重量感應、聲音及燈光等元素,趣味大增。

fat04
牆上及地下的九宮格,兩個一齊玩或分開玩都得,手腳並用,呢頭拍完牆上,地下盞燈又閃緊,爭分奪秒。
fat05
地下數字燈無定向地着,兩人鬥快踩上去,好考大家反應及身手,慢半拍輸成條街!
fat06
加入少少道具或稍改遊戲規則,即變另一個玩法,好似拍九宮格牆就可以用掉波嚟取代用手拍。

下頁:睇真啲點玩

裝置牆身睇落似九宮格,地下又似跳舞機,原來玩法都大同小異,考大家身手及反應,限時內盡快拍晒所着燈嘅號碼!而且電腦內置幾十個遊戲模式,包括手腳並用及雙人模式等,真係諗到嘅玩法佢都有齊。大家亦可因應自己程度去DIY訓練時間或組合,電腦系統記錄在案成績方便翻查。模特兒Paris自命平時少運動,嚟到一聽到音樂節拍,就自自然然埋位跟住玩,轉眼已過十幾分鐘,轉個玩法又一round。如果大家想減肥出汗,但又唔想齋跑步咁悶,咁呢個PRAMA絕對係首選!

fat07
最初代嘅PRAMA 係由格仔陣、圓圈、梯形格等地氈組成,好似呢個類似「跳飛機」陣 咁,要由教練在旁指示先玩到。
fat08
呢個圓形係俾大家對位,如做出屈腳再伸直或者360度掌上壓等改良版的體能訓練。

fat10

fat09
手執14磅嘅訓練膠筒,跟住教練做動作,model索晒氣先跟到七成。

Optimum Performance Studio
時間:7am-10pm
地點:中環士丹利街50號信誠廣場
收費:$250/ 堂、$950/5堂
查詢:2868 5170

撰文:Pan
相片:黃大立
Model:Paris

更多精選內容