【台灣親子遊】聖誕遊台灣 之 LEGO餐廳

【台灣親子遊】聖誕遊台灣 之 LEGO餐廳

嚟到台北,唔行夜市、唔掃街、唔行街買衫同無時間做文青,主力陪玩,咁究竟有咩啱羲廷羲穎玩呢?第一站我哋去左位於小巨蛋嘅 LEGO餐廳 ,小朋友可以邊食邊玩LEGO。

 

IMG_13971

 

 

LEGO餐廳 供應輕宜簡單嘅小食 全部都係兒童餐嘅份量,如果午飯時間嚟到,大人可以陪小朋友食少少,之後再去第二度食下午茶,因為市區街邊四周圍都有嘢食,唔怕會餓親。

 

IMG_1424
飯團 (有d凍同硬 唔太建議叫呢個)

 

IMG_1418
Pizza (味道ok 小朋友應該會幾like)

 

IMG_1415
LEGO形啫喱

 

IMG_1421
仲有LEGO餐具

 

LEGO餐廳 都有其他選擇如意粉、三文治等,建議下午茶時段黎可能更加適合,因為食物嘅選擇不算多,食完午飯同小朋友嚟玩,大人飲杯野坐吓會啱D,但要注意餐廳有每位最低消費,可以睇返餐廳嘅告示。

 

下頁:LEGO 任玩

每個小朋友都可以拎個LEGO盒去裝LEGO返檯到玩。話說小時候連續好多年嘅聖誕節,LEGO都係我最想收嘅聖誕禮物嚟㗎!嚟到呢度,媽媽緊係唔執輸砌埋一份。

 

IMG_1408

 

呢兩個迷你兵係 LEGO餐廳嘅自創版本,幫襯開野食就可以加550台幣換購一款,共兩款。店員會即場比張教學圖教你砌,最好即時砌好佢先,因為咁啱兩份裡頭嘅LEGO都唔齊,即場砌發現唔齊件就可以問店員補返。

 

IMG_1425

 

IMG_1427

 

IMG_1428
店內呢個白兵陣,夠哂搶鏡!

 

砌呀砌,唔覺唔覺都玩咗2個幾鐘,小朋友會好滿足,而呢D靜態嘅活動,可以考慮一下大人無咩電嘅時候去玩。因為大家都會明白同小朋友去旅行尤其係同一D未識得享受放假可以瞓晏D果種幸福感嘅小朋友去旅行,全日陪玩分分鐘攰過返工。

 

IMG_1430

 

所以我哋夜晚一定要識得急叉神功,要快速進入深層睡眠,同埋佢哋一瞓著,就把握時間快D瞓 唔好玩咁耐電話。因為佢哋朝早會好準時,一個6點,一個7點就起身,準過鬧鐘,喺你攰佢都未攰嘅情況之下,去 LEGO餐廳 大家可以一齊靜靜哋咁砌吓傾吓思考吓,係一個唔錯嘅選擇。

 

IMG_1400

更多精選內容