BU Chok王 – 鄧思朗

BU Chok王 – 鄧思朗

佢叫Oscar,中文名係鄧思朗,花名都係叫C朗,應該唔難想像!雖然唔識原地插花,不過佢同C朗都有共通點 ,就係自信同姿整。影相當日,將半個衣櫃嘅衫搬咗嚟;行步路,講句嘢,話chok就chok,完全唔使緩衝,如果將來要選「第五大chok王」,相信Oscar都可以係候選人之一。

5397

Oscar唔係典型嘅靚仔,但係自信就一定爆晒棚,同時佢亦都好識表現自己,對佢嚟講影相唔算好有難度,仲話行出嚟要夠型,最緊要就係唔好收埋自己,反而最考起佢嘅,就係要諗好多唔同嘅甫士!

5255

去美國西雅圖讀過戲劇,而家返嚟香港讀電影,Oscar最終嘅目標,就係要成為一個既出色又全面嘅藝人。返得嚟香港,Oscar就係要尋找更多發展機會,始終佢鍾意嘅就係粵語電影、粵語歌同粵語文化,佢希望可以喺自己嘅地方,發展自己嘅事業。

5366

Oscar想做演員,係因為8歲嘅時候,睇過Cool魔張智霖主演嘅《十月初五的月光》,「初哥哥」嘅角色,佢到今時今日都覺得好難忘,所以佢都好想有一日,可以塑造到一個咁經典嘅角色。

5506

不過想行咩戲路,Oscar就冇諗過喇,因為佢覺得咁會限制咗自己嘅發展。但係佢心目中都有一啲想挑戰吓嘅角色嘅,例如話一個正義得嚟又有啲風流嘅警察啦!(嘻嘻…唔知點解,小編腦海中突然浮咗馬德鐘個樣出嚟…)

5332

Oscar對自己好有信心,亦都好堅持自己嘅風格同信念,如果有人挑剔佢嘅演出風格、唱歌風格,要求佢去改,佢真係發脾氣!嗯~ 呢啲會唔會就係所謂嘅「藝術家脾性」呢?

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影: 黃大立

拍攝: Anthony Leong

剪接: Candy

美術: Linda

Hair+Makeup: EM Makeup

提供場地:Chillazy 躺室 (9801 6791)

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容