【小創夢家】熱血得分王 – 何倚富

倚富本身係個好內向嘅人，唔太鍾意同人溝通，連同人對望都唔敢。但係自從接觸咗籃球，佢開始嘗試開放自己，同人溝通多咗，同隊友之間嘅互動都多咗，的確令佢改變咗好多。

打學界嗰陣，倚富就察覺有fans捧自己場，嗰陣開始佢都會執正啲，注意多啲儀容，希望畀個好印象佢哋。雖然有fans可以推動倚富打好啲波，但係原來太在意人哋點睇，又會影响佢嘅表現，又因為咁，佢就開始訓練自己喺球場上嘅專注力，因為講到尾，贏先係最重要。

籃球之神Michael Jordan係倚富嘅偶像，無論係球技定態度，都非常值得欣賞。MJ嘅經歷，令到佢相信，一個人嘅成功，可能有一分係幸運，另外九分，係要靠自己努力，正如Michael Jordan講過：“「觀眾只係睇到我入咗幾多球，但唔知背後炒咗幾多千球。」

而家倚富喺CityU讀緊engineering，當初揀呢科，係因為諗住自己數學都OK，但係佢其實完全唔知讀完engineering出嚟可以做啲咩，而且佢個世界自細就係得籃球同讀書，可以希望畢業之後，可以嚐試吓唔同嘅範疇，係咪做番同engine有關嘅嘢，都唔緊要。

「學界男女神」唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋!

參加方法好簡單，只要將想推薦嘅同學，或者自薦人嘅facebook ，tag喺下面 “Comment”嘅位置； 再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺學界男女神facebook專頁 inbox或電郵到[email protected]俾我哋；如果成功通過編輯部審核，就有機會成為「學界男女神」!

「學界男女神」，等緊你嚟挑戰!

撰文: Joanne

攝影: 溫俊鏘

拍攝: Chiu

剪接: Candy

美術: Linda

Hair+Makeup: EM Makeup

提供場地:Game On Party Room (9680 7753)

※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。