全職媽媽小分享(二)

全職媽媽小分享(二)

當架著眼鏡著住套睡衣在家抹緊個廚房時,一位年輕的媽媽的確好希望可以有時做一些家務和湊女以外令自己feel good的東西。其實每一個人都一樣,除了刻板的工作和生活外,做一些令自己感覺良好的事其實是十分refresh 的一件事,令我有動力明天繼續拖地洗碗。

特別想鼓勵我的同道中人,特別是平日湊仔做家務又無用姐姐的一群全職媽媽,大家日日湊仔做家務可能已經做到癲癲地,一星期如果外在因素許可(長輩幫手或是外找姨姨看孩子一天半日),就放低家裡的小魔怪,著返件靚衫短裙仔,化個靚妝出去打個轉都好,對自己身心和夫婦關係都百利而無一害呢!大金毛好like我閒時扮靚同佢去街食餐飯架?否則有時真的好難繼續run 落去,會好易崩潰和質疑自己的存在價值的,當然要拿個平衡啦,不要日日出去wet 啦,唔係我實比妳地老公鬧爆我教壞大家? 我最多都係一星期比自己一日出街放鬆,咁先有動力繼續做落去,大家一齊努力,做個有自己的好媽媽??

P.S. 之前在日本日日都見到無數個超級靚媽又後生又全副武裝咁化晒妝set晒頭出街,好多唔止一拖一,仲前面揹住個細,再手推車住個大,果對高跟鞋簡直睇到我眼珠跌下。星期日臨走前,跟我的日本朋友吃晚飯,大金毛忍不住問我的日本妹friend點解無見到有「工人姐姐」在餐廳或是街上出現,我的日本妹朋友超驚訝地” Really ? Helper ? Impossible!” Haaaa! 原來日本跟加拿大都一樣,請工人姐姐是一件極度富貴的事,普通正常家庭絕無請姐姐呢回事,所以大部分媽媽都自己湊小朋友。勁,佢地自己湊仲可以全副武裝的美少女戰士look變身出街,小女子覺得日本人的禮儀文化簡直入血了!

更多精選內容