香港動植物公園半天遊

香港動植物公園半天遊

睇猴子唔一定要去馬騮嘅,去一個我都N年無嚟過嘅地方,都一樣可以嚟見下啲美猴王應下節呀!年初一時見到好多人話上左馬騮山去睇猴子,其實我都有點興趣,不過一諗起嗰啲連人都唔怕,又試搶嘢食嘅猴子之後,真係驚驚地,所以都係即刻打消左個念頭。

 

IMG_9571
原來整個香港動植物公園都幾多嘢睇

 

剛好係前幾日睇FACEBOOK見介紹,原來去香港動植物公園都有得睇,仲可以一次過睇到唔同品種嘅猴子(最好就係極度安全,猴子係晒個籠入面唔會走出嚟),所以今日就同小小豬齊齊GO GO GO去香港動植物公園玩一轉啦!

 

IMG_9577

 

其實由金鐘MTR都可以行到嚟香港動植物公園,係上頂覽車總站再行上多少少。不過….行 斜路對我嚟講都係一件苦事,再加埋帶住隻小小豬,所以最後我都係用左一個懶人方法,係金鐘太古廣場轉搭23/40號巴士去到堅道明愛落車,之後只係行一條 小斜路,就可以輕輕鬆鬆到達目的地啦!

 

IMG_9583

 

可能我地係後面入公園,所以都要行一段小路先到公園中心位置,不過都唔錯,我都可以當行山,睇下啲花草樹木,人都舒服啲呀~行行下仲可以住底休息下,睇下周圍嘅景色呀~

 

IMG_9702

 

行左大約十分鐘,就到達我地今日嘅主要目的…..睇猴子啦~

 

IMG_9593

 

依度基本上都係有好多唔同品種嘅猴子,有啲都真係見到未見過(可能係我少留意啦…哈哈),好在每一個品種都有介紹牌,起碼我地都知道係叫什麼名。每去到一個籠小小豬都會去睇下隻猴子叫咩名,平時食啲乜,叫佢咁主動自學(係有啲字唔明先問我),都要俾個GOOD佢呀~

 

IMG_9597

 

啲猴子又真係好多唔同種,有大大隻時又有啲係細細粒,有啲周圍跳又有啲瞓覺覺,所以都真係幾得意呀

 

IMG_9592

 

IMG_9599

IMG_9617

 

IMG_9633

 

IMG_9654

 

IMG_9656

 

IMG_9692

 

IMG_9707

 

下頁:除咗馬騮仲有其他動物

小小豬又真係好似幾專心咁哦,仲化身成為問題小子,咩到問一餐,真係問到我有點……..,不過佢肯問又會觀察都係一件好事,所以我都盡答啦~

IMG_9601

 

除左猴子之外,仲有啲烏龜睇添~

 

IMG_9640

 

一向冇乜耐性嘅小小豬估唔到都係度睇差唔多一個鐘猴子,真係令我有啲起出望外。之後我地就轉戰去另一個地方,就係去睇雀鳥啦~

 

IMG_9722

 

IMG_9728

 

IMG_9733

 

IMG_9738

 

IMG_9732

 

不過好明顯小小豬都係麻麻地睇雀仔,因為佢睇左一陣之後就話要去下一個目的地啦

 

下頁:小孩最愛遊樂場

有咩地方咁吸引小小豬?咪就係每個小朋友都鐘意嘅兒童遊樂場啦,依個場地又真係幾多唔同種類哦,仲有平日比較少見嘅轉轉圈,真係大放電好地方呀~

 

IMG_9742

 

IMG_9749

 

IMG_9774

 

IMG_9805

 

IMG_9818

 

IMG_9843

 

另外都仲有一個俾成人嘅設施,不過小小豬都玩得不亦樂乎哦

 

IMG_9854

 

IMG_9855

 

係依個兒童遊樂場又玩左個幾鐘,係時候要繼續我地行程了。叫得動植物公園,又點可以少左睇值物,我地行入溫室參觀先~

 

下頁:溫室有咩睇

依度都好多攝影愛好者係度打花,所以我地都不便打擾,行左一個圈就走了~

 

IMG_9858

 

IMG_9863

 

當我行去平台噴水池時,小小豬突然大叫,原來佢發現左啲菠蘿仔,仲要求同菠蘿仔影相添

 

IMG_9866

 

繼續向前行就到動植物公園一個重要景點,就係依個充滿花花嘅平台~

 

IMG_9872

 

緊係要嚟噴水池影相啦,依隻傻豬仔見到個噴水池都不知幾興奮,仲話好想跳落水游一個圈添,真係俾佢激C呀~

 

IMG_9877

 

臨離開前係依個歷史戰跡嘅牌坊影張相留念先~

 

IMG_9911

 

真係冇諗過我地係香港動植物公園,都可以逗留左四個鐘,行下坐下玩下又睇下動物,真係快樂不知時日過。

 

原來香港都有啲咁好嘢睇,亦可以學到啲少少知識嘅地方(起碼知道原來猴子都有咁多種,佢地大多都係食果葉),最好仲再係免費,所以有時間都可以再帶小小豬嚟行一轉呀!

更多精選內容