從前一顆小星星 – 韓靜怡

從前一顆小星星 – 韓靜怡

好多童星細個都好可愛,但係大個咗係咪都咁得人鍾意?有啲都係架!Gigi(韓靜怡)小學就開始喺大台嘅兒童節目做小主持,一做就8-9年,而家都就嚟大學畢業喇!細時精靈可愛,而家大個都亭亭玉立架!你又認唔認得佢呢?

7692

Gigi當初係參加咗個講故事比賽,畀個導演睇中加入咗電視台!佢細細個就鍾意表演,仲當趙薇係學習對象tim!因為演出經驗多,亦都增強咗Gigi嘅自信心,所以細細個要喺公開場合演講,都唔會怯場架!(佢而家講嘢都成個港姐咁架!)

16-02-16-20-59-13-518_deco

做兒童節目有個好處,就係一個星期只係錄影一次,而家阿Gigi媽又識教女,所以Gigi就算又要返學又要開工,都唔會太吃力。到升中仲入咗優才書院,不過因為大多數同學都係資優學生,grade 7(中一)嗰陣都幾辛苦,但係學校嘅課外活動多,所以Gigi喺度都讀得好開心!

7645

Gigi而家喺Poly U讀緊Marketing,舊年暑假仲去咗英國exchange; 由接觸當地學校,提交申請,到訂機票同住宿,都係佢自己一手包辦!呢個囡囡唔止好學,仲好獨立!

7478

就嚟畢業喇,Gigi話如果有機會返幕前嘅話,好想試吓拍戲同做主持!一來係因為細個做過小主持,對呢個崗位都仲好有熱情!二來佢自細都好鍾意睇戲同煲劇,睇到啲演員可以好專業咁,去處理對每場戲嘅情緒同演釋,而且都咁到位,就令佢對演戲產生興趣。

7798

Gigi話自己仲未肯定將來想向邊方面發展,所以想試多啲、睇多啲先!但係見佢斯文大方,談吐又得體,又話自己好鍾意接受挑戰,不如真係考慮吓去選港姐啦!

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影: 溫俊鏘

拍攝: Ming Chan

剪接+美術: Ks

Hair:Frankie [email protected] Makeup

Makeup: [email protected] Makeup

 

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容