從前一顆小星星 – 韓靜怡

Gigi當初係參加咗個講故事比賽，畀個導演睇中加入咗電視台！佢細細個就鍾意表演，仲當趙薇係學習對象tim！因為演出經驗多，亦都增強咗Gigi嘅自信心，所以細細個要喺公開場合演講，都唔會怯場架！(佢而家講嘢都成個港姐咁架！)

做兒童節目有個好處，就係一個星期只係錄影一次，而家阿Gigi媽又識教女，所以Gigi就算又要返學又要開工，都唔會太吃力。到升中仲入咗優才書院，不過因為大多數同學都係資優學生，grade 7(中一)嗰陣都幾辛苦，但係學校嘅課外活動多，所以Gigi喺度都讀得好開心！

Gigi而家喺Poly U讀緊Marketing，舊年暑假仲去咗英國exchange; 由接觸當地學校，提交申請，到訂機票同住宿，都係佢自己一手包辦！呢個囡囡唔止好學，仲好獨立！

就嚟畢業喇，Gigi話如果有機會返幕前嘅話，好想試吓拍戲同做主持！一來係因為細個做過小主持，對呢個崗位都仲好有熱情！二來佢自細都好鍾意睇戲同煲劇，睇到啲演員可以好專業咁，去處理對每場戲嘅情緒同演釋，而且都咁到位，就令佢對演戲產生興趣。

Gigi話自己仲未肯定將來想向邊方面發展，所以想試多啲、睇多啲先！但係見佢斯文大方，談吐又得體，又話自己好鍾意接受挑戰，不如真係考慮吓去選港姐啦！

「學界男女神」唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋!

參加方法好簡單，只要將想推薦嘅同學，或者自薦人嘅facebook ，tag喺下面 “Comment”嘅位置； 再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺學界男女神facebook專頁 inbox或電郵到[email protected]俾我哋；如果成功通過編輯部審核，就有機會成為「學界男女神」!

「學界男女神」，等緊你嚟挑戰!

撰文: Joanne

攝影: 溫俊鏘

拍攝: Ming Chan

剪接+美術: Ks

Hair:Frankie Tang@KINGS Makeup

Makeup: Will@KINGS Makeup

※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。