西洋菜陳腎豬骨湯

西洋菜陳腎豬骨湯

專欄

廣告

西洋菜可以係話我地屋企至愛湯水之一,不過就因為唔係成日買到靚陳腎,所以煲嘅次數唔算多。早前去郊遊時,見到啲一包包嘅陳腎好似靚得嚟又幾衛生,所以就可以煲啦!

 

其實煲湯嘅西洋菜除左好味之外,連同陳腎、南北杏、羅漢果再加豬骨一齊煲湯係可以有清燥潤肺,同埋健脾養胃功效呀!

 

西洋菜一斤、豬骨約$40、陳腎(即乾鴨腎)兩個、羅漢果半個、蜜棗四粒及南北杏少少!

 

將陳腎浸泡過夜之後,特軟身後切片待用~

 

將西洋菜剪開兩段,續少續少咁慢慢清洗,然後加少許鹽浸洗30分鐘~

 

豬骨洗淨汆水備用~

 

羅漢果洗淨壓碎,南北杏及蜜棗洗淨備用~

續下頁

將1.5L清水燒熱,然後放入所有材料~

 

待水再滾後轉低火煲兩個半小時~

 

加鹽作適當調味之後,熄火焗多30分鐘就可以飲得啦~

 

都係嗰句….千其唔好漏左啲湯料,可以食呀(仲好好味添)~

 

唔知係唔係好耐都冇煲依個湯,所以飲落又真係特別好味,連埋啲湯料一齊食,真係飯都唔洗食就已經好飽飽勁滿足啦!