刑偵12｜「王浩信2.0」林俊其拍《刑偵12》患怪病 演活忠心下屬獲讚！

林俊其忠心護張振朗 催淚遺書感動全場

樂仔慘死一幕絕對是催淚位，視刑凱為偶像的他，臨死前一直致力查案，希望幫被降職的刑凱脫罪；在刑凱暗中幫助下，樂仔越來越接近真相，可惜就在二人決定要全力衝刺各自努力緝拿「新七宗罪」真兇時，樂仔卻遭逢不幸；遲來一步抵達樂仔死亡現場的刑凱，原本看到愛徒屍體已痛得有口難言，而當他看到樂仔寫滿自己平時教誨、及做警察哲理的「刑偵筆記」後，更是悲慟莫名，同時亦為自己有一個如此忠心的下屬感到欣慰，振朗又喊又笑、大悲大喜的演出絕對是演技在線。

《反黑英雄》聯乘《刑偵12》開Live

樂仔慘死後，振朗、林俊其（Kris）及丘梓謙（蔥頭）這個《反黑英雄》x《刑偵12》的三人組，齊齊開live大談拍攝昨晚一集樂仔慘死場口的點滴。振朗透露，接到劇本時，已十分喜歡和俊其師徒情這條線，並感性謂：「我最鍾意第一次刑凱對住樂仔笑，竟然係最後一場。刑凱呢個角色係唔笑架，直到呢個位（見到樂仔長大，可以獨立查案）先笑，呢個位我好鍾意。」

張振朗透露吳業坤被認錯第二個人

振朗又指為了專注演出哀痛告別樂仔情緒，當日現身片場時「好似殺人咁款」：「嗰日我好似要殺死人咁，完全冇同任何人傾偈，自己一個匿埋咗一邊，心諗大家唔好理我。」又搞笑謂：「佳導同巢導嗰日都喺現場，所以唔可以撻Q，因為一撻自挖墳墓。」振朗又透露拍攝阿賢（吳業坤飾）安慰刑凱的場口時，由於現場有人認錯坤哥做第二個人（不過卻打死不肯透露坤哥被認錯誰），搞到原本要拍攝情緒喊戲的他險些破功。 俊其則笑言由於與振朗合作多了，故一見到他即接到cue不要對話，並透露當時最搞笑的，是全世界都當他透明，令他感到自己真的變了靈魂，俊其說：「呢場我有專登留低睇，你哋排戲時，我就好似靈魂咁飄嚟飄去，全部人都當我透明。」林俊其又笑言最難忘有網民指他拍攝時肥嘟嘟，反而更切合樂仔樂天的性格，令他哭笑不得。

感激佳導一直給予機會：佢話今次個角色想我穩番基本功

俊其及後接受訪問時，透露拍攝《刑偵12》時因為吃多了宵夜及油膩食物，以致身形暴脹、一發不可收拾；之後他努力減磅，瘋狂打籃球及減少攝取澱粉質，成功由原本的78Kg減至71.3Kg，笑言回復狀態的同時，更令保怡差點認不出他：「你邊個嚟架？樂仔嚟架！搞咩瘦咗咁多！」俊其又指若有細心留意，會發現他演出《刑偵12》時其實時肥時瘦，皆因他拍攝時患了怪病，擾攘了接近一個月才有好轉，並因而暴瘦了接近7kg，所以才會「暴肥暴瘦」。

患上怪病時肥時瘦

「我當時唔敢話畀劇組聽自己病咗，因為驚影響進度。巢導好好，有次我因為病覺得自己表現得唔好同佢Say sorry，佢就同我講『有咩唔好啫，就算唔好，拍多啲咪好咯，我哋都係想一齊做好件事嘅，最緊要之後好架啫，依家唔好唔緊要架。』，真係好感動。」俊其又感激佳導一直給予很多機會：「佢話今次呢個角色，係想我好好練習，穩番個基本功。」

透露林保怡愛「考驗」新人

談到兩位前輩，俊其感激振朗拍攝期間一直給予的細心指導及建議：「振朗開工前專登拉我傾偈，好有耐心咁解釋咗成套劇嘅心路歷程我聽，佢真係每場戲都會同我研究一次先拍。其實佢好好，佢個角色都難架嘛，但佢兼顧咗自己仲要兼顧埋我，好有愛。」俊其又透露有些場口的對白，是他和振朗即興free flow度出來，足證默契十足。「佢戲內戲外都係我師傅，好多嘢值得我學習。」至於保怡，俊其最難忘是對方愛透過「考驗」訓練新人：「唔知點解同佢就算只係演對手戲，都會學咗好多嘢咁。好記得有一場，排戲前佢加咗啲嘢畀我，睇吓我點反應，但當正式拍時佢又用番另一種方法，好似畀緊一個考驗你咁，佢唔使特登教你，但都可以傳送到好多重要嘢畀你。」