女神配對計劃｜十優醫生譚品堯為梁敏巧砲轟林作口無遮攔 超強學霸背景公開

十優醫生譚品堯落力維護梁敏巧、炮轟林作亂講嘢

梁敏巧日前與「求愛勇者」接受訪問時，佢所選嘅醫生譚品堯（Henry）就為女神護航發言，狠批林作口沒遮攔之餘，亦大讚梁敏巧EQ夠高。林作早前曾力撐Babyface追求梁敏巧，不過在Maggie再次在節目中拒絕Babyface後，林作就連環在社交平台發文攻擊梁敏巧，除咗狠批女方拜金選擇有米醫生外，更嘲笑對方係「Auntieface」，引來唔少網民熱議。「求愛勇者」譚品堯Henry（右）在記招後接受訪問時，就親自開腔為女神護航，並狠批林作「口沒遮攔」又點名林作說：

「我唔知道佢係咩目的，IG賣廣告可能搵到錢，刷流量。」

譚品堯唔單止主動為Maggie護航，更表示好欣賞Maggie嘅努力同才華，認為佢係一個好有內涵嘅女仔。佢仲話自己唔介意外界嘅眼光，只希望可以用真心打動對方，高調向女神示愛！

林作自稱有譚品堯「黑材料」可令對方退賽！

不過林作亦不甘示弱 ，表示手上有這位2009年十優生的黑材料 ：「如果我爆真係有可能嚇死大家，佢分分鐘即時退賽； 還是老話 ——十優不代表好人。」又透露會設期限要對方回應。

女神配對計劃｜梁敏巧冧爆發文道謝

對於譚品堯嘅高調護航，梁敏巧日前就在社交平台冧爆發文向Henry道謝，更大讚對方：「Man，安全感，大無畏，無論如何，都會為自己值得維護的人護航，霸道的保護，明唔明有幾正？感謝你。」

女神配對計劃｜譚品堯超強學霸背景公開

譚品堯（Henry）在節目中亮相時報稱係一名醫生，年薪超過500萬，並附有「十優」嘅關鍵字。

翻查資料，譚品堯畢業於聖若瑟書院，更係2009年13位狀元之一，與2015年港姐冠軍麥明詩係同屆狀元！而取得十優成績嘅譚品堯當年接受訪問時曾直言自己唔夠圓滑，因此就未有選擇商科同法律，而係選讀醫科。