女神配對計劃第3集｜曾展望連輸兩局慘樣被瘋傳「三角枱約會」殘酷賽制曝光
女神配對計劃｜三角枱約會 殘酷賽制曝光
「三角枱約會」分三大回合—「前菜、湯及主菜」進行，每個回合三位男組員均需接受製作組因應女神擇偶條件設計出來的任務進行角力，葉蒨文的三項任務分別為1.口味、2.刁鑽泊車技，及3.磁性情話大挑戰！每個回合只有勝出者方可獲得與心儀女神面對面Fine Dine兼對話機會，其餘兩位則只能呆望女神的背影或側面！由於三個回合集齊命運、緣份及技術性多方面考驗，GM未能獲得一面倒勝利，意指即使GM鼓起了勇氣參加節目，還是要焗住「現場直擊」Sophie與其他男士約會，認真殘酷！
曾展望連輸兩局慘敗險落危險區
其實當GM得悉自己在首輪約會中落敗後，面對主持林盛斌（阿Bob）慰問，原本已一臉失落兼頹到眼定定的他，先是有口難言地吞了一大啖口水、再強顏歡笑望向阿Bob、並投出了一個饒有深意的眼神，全程欲言又止的狀態與平時口若懸河的他判若兩人。最終未有即場說出自己感受的GM，事後接受製作組訪問時坦言感到失望：「睇住自己鍾意嘅女仔揀咗第二個，對自己有啲失望。」GM的失落就連花生團亦為之動容，江美儀更忍不住一再感嘆：「GM真係慘喇，眼淚在心裏流睇吓佢。」
GM韓式剖白：每次自己好認真嘅時候，好似都會出事
GM在第3集本來火力全開追女神，惟因「火力過猛」反而令葉蒨文有點卻步！除因GM醋意大發勸阻葉蒨文買咖啡給其他異性，GM真摯又脆弱的「我不懂拍拖」剖白，更令葉蒨文坦言有壓力。GM剖白全文：
「拍咗拖我覺得我都幾緊張女朋友…我驚我自己好鍾意一個人，點解好似成日扮到咁瀟灑呢？其實有陣時好驚自己好鍾意之後會好Hurt，所以一有啲鍾意喇，就同自己講，唔好咁鍾意，因為我覺得每次自己好認真嘅時候，好似都會出事，所以其實我平時都好少可會想公開追女仔，但我見到你之後真係有個念頭，想試吓照顧你。」
又透露自公開表白後「對Sophie更堅定」：「我絕對唔會放過任何一個機會去捉住佢。」
女神配對計劃｜首輪將淘汰兩名參賽者
首輪「三角枱約會」將淘汰兩名參賽者！五位女神葉蒨文、關嘉敏、梁敏巧、羅毓儀、李芷晴各自與三位組男進行「三角枱約會」後，每個組別中最低分者將跌入危險區，再由三位花生團成員江美儀、黎諾懿及黃嘉雯決定淘汰哪兩位。
主持林盛斌阿Bob透露，《女神》之所以破天荒請來花生團定生死，全因女藝人談戀愛要面向的群眾甚多：「好多人覺得女Artiste拍拖唔係淨係佢自己嘅事，仲要關乎埋佢哋屋企人、朋友、同事、閨密、網友、粉絲、觀眾，所以男仔除咗要過女神嗰關，仲要過花生團嗰關。」花生團有淘汰干預，女神亦有「保護權」，五位女神只要將最想保護的男組員名字寫在秘密咭紙上，該名成員便能逃離本輪被淘汰命運！
女神配對計劃｜GM心急搶攻瘋狂輸出韓式冧女對白
不過一心想將Sophie追到手的GM勝在戰意夠濃，即使在未能勝出回合，仍爭取機會與Sophie「對話」，經常有意無意在Sophie與其他對手說話期間瘋狂插嘴，又指出Sophie愛吃芫茜宣示主權：「Sophie最鍾意食芫茜架喎！」豈料不但遭到Sophie質疑，還換來女方一盤冷水：「其實我係咪淨係可以同你（該回合勝出者）講嘢架咋？」進擊的GM即時補鑊：「其實我都想問嘅，你介唔介意我哋搭嘴架？…不過如果我贏咗，我都會畀你一齊傾嘅。」未知是否太心急搶攻，GM說時連嘴角沾了醬汁也不自知，樣子趣怪又可愛。
