香港小姐2025｜ 首輪面試重口味佳麗盤點！ 質素參差內地代表騎呢亮相
廣告
《香港小姐競選2025》今日（6月24日）於TVB電視城正式展開首輪面試，現場氣氛熱烈。今屆港姐競選吸引過百位來自本地及內地的佳麗報名參選，除咗不少高顏值仙氣十足的靚女一出場即成焦點，同時亦有不少個性派「另類者」以獨特騎呢的打扮亮相，質素參差即成熱話。
香港小姐2025目錄
香港小姐2025｜盤點15名近12年港姐三甲面試照：朱千雪全素顏+黃心穎被指似工人
香港小姐2025｜首輪面試養眼組佳麗一覽！仲有「岳飛第35代後人」現身
香港小姐2025 | 「黑龍江小姐」撞樣44歲龍婷
今年不少佳麗都非常有「個性」，打扮非常成熟之餘，妝容又有啲突出，有位23歲黑龍江出身的佳麗李家宜同《中年好聲音》44歲龍婷撞樣，搞到網民都話覺得睇緊《中年好聲音4》。
香港小姐2025 |有佳麗被踢爆穿淘寶貨
不少大媽級美女都參加港姐，甚至有佳麗被發現穿淘寶貨來面試，搞到網民都紛紛留言指：「話晒都係參加香港小姐，比少少誠意得唔得」、「喂，大媽嚟嘅」、「這些都是梁靜茹給的勇氣嗎？」等。
香港小姐2025 |25歲重口音小姐 亂答記者問題
今年亦有不少內地背景的佳麗參賽，其中25歲的Loreli面對傳媒訪問時以唔鹹唔淡的廣東話應答，語氣生硬之餘亦鬧出不少笑話。Loreli被問到從哪裡來的時候，竟然話「我係嗰邊嚟」，搞到全場記者大笑。有網民認為，這些重口音對答為比賽增添笑料，意外地「幾啱TVB口味」。
香港小姐2025 |有佳麗「男扮女裝」撞樣泰臣！泰臣搞笑回應
有佳麗陽剛味較重 「男扮女裝」撞樣泰臣！真係一見難忘！網友爆笑指如果好似泰國咁舉辦人妖小姐比賽，她應該入到圍！結果，泰臣亦在社交平台分享此則笑料表示：「嗱，我無掂呢味嘢好耐喇喎⋯⋯」、「我抗議，人家女仔比我有氣質好多！」
圖片來源：TVB娛樂新聞台直播截圖
