大師兄Welcome Summer｜龍婷「超級阿婆打底褲」勁吸睛 冇人夠膽埋佢身！

大師兄Welcome Summer｜鄧凱文騎黎寬怡合作大啖食

本集另一焦點落在「Fit爆」的黎寬怡（貓仔）身上，玩「騎呢大啖食」時，「中年好聲音隊」周吉佩孭起支支玩騎膊馬，「東張西望隊」則派出貓仔孭起鄧凱文。雖然貓仔是女仔，但她一嘢便輕鬆舉起Eris，展現驚人背肌力量及爆炸力；之後於「水中大電視」環節中，貓仔以「腹肌」成功戰勝水壓，輕鬆兼優美地在水中「打筋斗」，令人嘆為觀止！

「中年好聲音隊」VS「東張西望隊」

今集出戰的，有區永權率領的「東張西望隊」：

成員包括：區永權、陳庭欣（Toby）、梁敏巧、黎寬怡（貓仔）、曾錦燊（Charles）、鄧凱文（Eris）

另外還有周吉佩領軍的「中年好聲音隊」

成員包括：周吉佩（吉吉）、支嚳儀（支支）、龍婷、顏志恒、陳俞霏、顏米羔

「大師兄」錢嘉樂率領阮兆祥、麥美恩、林秀怡、林正峰一眾「獎老」衝出錄影廠，大玩水上闖關遊戲，競逐超級終極大獎。每集均會有兩隊出賽進行對決，勝出隊伍可晉身終極回合、角逐總值超過港幣18萬蚊的獎品&現金獎。

龍婷投入到腳趾力都出埋

今晚（29日）一集焦點，落在唔識游水的龍婷身上！戰意力驚人的龍婷，即使不熟水性仍無阻她「橫闖直撞」決戰水上之「癲」，在「浮床大混戰」中面對「東張西望隊」夾擊，龍婷使出「超級無敵摩打腳」，搞到冇人夠膽埋佢身，連見慣大場的大師兄錢嘉樂忍不住驚嘆：「你睇吓龍婷兩個都搞佢唔掂！」之後在「浮床6 VS 6」環節，龍婷vs爆肌小鮮肉曾錦燊，竟連腳趾力都出埋，最終堅持至到倒數五秒才被拉落水，堪稱女中豪傑。做足準備的龍婷，遊戲期間數度露出「超級阿婆打底褲」，除能make sure零走光，搞笑效果亦十足十。