2025暑假親子好去處｜科學園「玩轉夏日烹飪科」正式開鑼 STEAM親子烹飪班+打卡點+限時萌寵玩樂區

Jul 31 2025

諗緊點樣同小朋友過一個開心又充實嘅暑假？嚟香港科學園就啱晒啦！2025年8月1號至31號「玩轉夏日烹飪科」活動期間，科學園會變身成為一個超好玩嘅料理實驗室，將 STEAM（科學、科技、工程、藝術、數學）元素融入烹飪，等小朋友可以遠離電子產品，動手學嘢，由超市採購到自製STEAM料理手作都一手包辦，發掘學習嘅樂趣！

憑消費換領STEAM任務手冊，參加親子烹飪班！

想玩盡科學園嘅活動？好簡單！喺 8月3、10、17、24號呢幾個星期日，只要喺科學園入面任何餐廳或者零售商戶，用電子支付方式單一消費：

滿港幣300蚊或以上，就可以換到一本STEAM任務手冊^、一個消費印章同一份精美禮物*
滿港幣600蚊或以上，就可以換到兩本STEAM任務手冊^、兩個消費印章同一份精美禮物*

記住啦，憑蓋咗消費印章嘅任務手冊，先可以報名參加指定時段嘅STEAM烹飪班㗎！每次上完堂仲有出席印章𠻹，儲齊四個出席印章，就可以換到「勤學獎」^#，一份㗎啦！

禮品換領詳情
日期：日期：2025年8月3、10、17、24日
換領時間：下午1時30分至晚上10時
地點：10W大樓地下 (會所側)

*禮品換領名額有限，先到先得，換完即止。受條款及細則約束。
^參加者須憑即日單一電子交易收據換領任務手冊、加蓋消費印章及成功報名活動推廣期內其中一個上課時段，方可參與STEAM烹飪班活動。
#每次出席可獲蓋章一枚，集齊四枚出席印章後，可憑該任務手冊兌換「勤學獎」乙份。

週日STEAM親子烹飪班：入實驗室玩烹飪科學！

喺呢個特別設計嘅烹飪班度，煮嘢食唔再係淨係將材料撈埋一齊咁簡單，而係一個喺「料料理實驗室」進行嘅科學探索！一家大細可以一齊模擬超市採購，再嚟個創意料理實驗，過程中會學到好多烹飪背後嘅科學原理，好似點解小蘇打會出氣泡、點解粟粉加水會變黐立立咁。成個體驗會模擬廚師嘅工作流程，等小朋友可以發掘到日常生活入面隱藏嘅小知識、同解難思維！

最正嘅係，所有活動都係用非食用材料，可以激發小朋友嘅創意，自由發揮唔怕浪費食材，可以輕鬆享受親子合作嘅樂趣！

活動詳情
日期：2025年8月3、10、17、24日 (星期日)

活動時間：下午2時至晚上6時（每節約20分鐘）
地點：10W及12W大樓地下