八仙嶺山火｜張潤衡千字文怒轟方東昇後 宣布「停戰」原因 1舉動震驚網民！
張潤衡千字文反擊 怒轟方東昇斷章取義
事件源於張潤衡不滿方東昇團隊製作的節目《真相猜‧情‧尋》內容，他日前在社交平台發布千字文，怒轟節目組為求收視及流量，手法極不尊重。他澄清自己從未答應接受訪問，指控節目主持人李嘉嘉在被他拒絕後，竟「帶晒成對人過嚟」突擊，令他感到被設局。
直斥TVB提問充滿引導性
張潤衡激動表示：「我從來都冇應承過佢哋接受訪問，佢就夾硬喺個節目度話我應承咗佢。呢啲嘢你哋又知咩？」他更直斥節目提出的問題充滿引導性，目的是煽動觀眾情緒：「你哋都係喺嗰幾十分鐘嘅節目入面，就好似覺得自己得到晒所有嘅資訊一樣，其實呢堆節目都係喺一個前提底下，令你哋嘅情緒側向一邊咋嘛。」
《真相猜情尋》重提舊事 張潤衡金句成焦點
引爆今次風波的TVB節目《真相猜‧情‧尋》，最後兩集聚焦調查1996年導致師生5死13傷的八仙嶺山火慘劇。節目中，團隊重提張潤衡過去受訪時的一句「真相，你搵到又點啫？」，並在節目結尾引用此話，暗示若不汲取教訓，悲劇只會重演，令張潤衡再次被推上風口浪尖。對此，張潤衡在千字文中解釋，該句說話是「畀網絡cap圖出嚟斷章取義」，他憶述當時受訪腦袋一片混亂，根本不知如何回答：「你想我點答？其實我係坐咗喺度玩game boy ，聽到老師叫我走，我就即刻走。我點樣知真相？我都唔知真相，我點樣回答？」他認為節目組不停將這句話當成soundbite，是極不公平的做法。
網民洗版圍攻 張潤衡深夜宣布「休戰」理由超展開
節目播出後，大批網民湧入張潤衡的社交平台留言，對他展開猛烈批評。張潤衡連日來亦親自下場與網民激辯，重申自己在山上沒見過人吸煙，並反擊網民：「真相？你哋真係想搵真相咩？我都有睇部份嘅留言，全部都係偏頗性嘅，大家只不過想搵個你哋睇唔順眼嘅人你攻擊吓啫。」
強調現實生活工作繁重 擺老婆上檯
正當罵戰愈演愈烈，今晚9時許，張潤衡突然發文宣布「休戰」，表示會暫停回覆所有留言，而原因竟是：「我需要在太太回來前晾好衣服，而且公司還有一堆工作等著我處理，是時候回到現實生活中的責任了。」他同時表示已指示同事，將會舉報及封鎖所有帶有冒犯性的留言，似乎想盡快平息風波。
辯駁網民邏輯謬誤－－出動心理學專業視角分析
張潤衡早前以心理學專業知識回應網民的邏輯謬誤，指出對方論點存在「False Dilemma Fallacy」、「Begging the Question Fallacy」及「Straw Man Fallacy」，批評這些論點缺乏可驗證的證據，指出網民的指控僅基於臆測。他說：
「喺學術討論入面，我哋應該遵循Falsifiability Principle嘅科學方法基礎，要求所有主張都必須能夠被檢驗同推翻。你嘅言論冇辦法被檢驗，只係建立喺臆測同埋暗示之上。」
他進一步分析網民留言中的「Confirmation Bias」和「False Dichotomy」，引用心理學研究（如Tversky與Kahneman的論文），強調應基於證據而非預設立場進行推理。
張潤衡對被指「反人類心理學」及動機質疑的回應
針對網民提及他「反人類心理學」及質疑他為何不積極尋找兇手，張潤衡澄清「反人類心理學」並非正式學科分支，並從心理學角度解釋「真相你知道又點？」可能反映「Learned Helplessness」。他說：
「『真相比你知道又點』呢句說話，從心理學角度嚟理解，呢個可能反映嘅係futility，喺Learned Helplessness理論入面，呢種反應可以出現喺人面對無法控制嘅痛苦情境時發生。」
他認為網民將其不願上電視節目等同於「有事隱瞞」是「Fundamental Attribution Error」，忽略了其他合理原因，「現實世界有無數理由令人選擇唔去電視台，包括對媒體炒作嘅厭惡、唔信任某啲媒體嘅報道方式、保護私隱、避免被斷章取義等等。」。
