方力申親解「接受唔到生女」真相 13字回應百日宴會否請鄧麗欣

方力申晒超聲波宣布太太葉萱首胎BB性別：我接受唔到 1原因要為BB再做檢查

方力申得悉是BB女後曾直言「接受唔到」

早前方力申於演唱會上公布太太葉萱腹中胎兒性別，不過睇見粉紅色氣球後嘅小方就十分驚訝，更在台上直言：「我直情係接受唔到呢個現實，我全晚都係話仔嚟㗎，冇可能係女嚟㗎！」隨即引起網民熱議，也令人有感他是「重男輕女」，言論一出被很多人鬧爆。

方力申親解「接受唔到」生女真相：外父都問乜事

對於此事，方力申近日接受訪問時就親自解釋事件，坦言自己恨生女，但因公布當天一直以為即將出世的是仔仔，為免太太擔心自己唔開心，先稱好鍾意仔。佢更指影片被廣泛流傳後，除咗被泳會嘅阿姐藐之餘，就連外父都以為佢唔想生女，搞到佢都忍唔住呻：「差啲令到我家變」：

「我教游水嗰度好多阿姐藐我，問我點解會咁講，點解接受唔到生女，生女幾好，就連我外父都問我太太咩事。」

方力申晒超聲波宣布太太葉萱首胎BB性別：我接受唔到 1原因要為BB再做檢查

方力申望停工陪產

方力申透露太太葉萱現時已經懷孕5個月，不過葉萱懷孕後胃口一直不佳，不時覺得難受。他坦言這段日子終於明白媽媽懷胎的不易，自覺身為丈夫與新手爸爸責任加重，希望過程中能全力陪伴。而被問及會否停工陪太太生產時，方力申就直言與太太拗咗好耐，不過就表示地點近嘅工作會繼續做，但係「要去幾日搭飛機就應該唔會」。

方力申13字回應百日宴會唔會請舊愛鄧麗欣

方力申亦被問到有冇打算開party慶祝榮升準爸爸，小方對此就稱可能等BB百日宴時再搞，不過自己怕招呼唔到得失好友，因此都仍需考慮。方力申更被問BB百日宴會否邀請舊愛鄧麗欣出席，搞到小方都有啲唔知點答，最後僅表示：「呢個問題咁尖銳，今日唔方便答」，以13字高招避開刁鑽問題。

舊愛方力申宣布做老豆 Stephy聞訊坦言隨緣無結婚計劃

Stephy早前接受訪問時大方回應舊愛方力申宣布太太懷孕喜訊，並表示是剛剛從同事口中得知消息，所以仍未親自恭喜對方。當被追問會否因此有結婚生B的衝動時，她則斬釘截鐵地表示目前仍以演唱會為重，暫時沒有結婚計劃。至於會否考慮雪卵為未來做準備，Stephy更坦白剖白心聲，直言：「好多年前真係諗過，但已過咗適合時候，而家心態改變咗，好多嘢都係隨緣。」

Stephy否認做小方B女契媽 尷尬笑言「唔好玩啦！」

被問及同小方相識多年，會否認做其B女嘅契媽，Stephy一臉尷尬笑言：「其實唔係好熟，唔好玩啦！真係搞笑，（記者再講你哋識咗咁耐！）人嘅嘢識得耐又唔代表同你熟嗰喎，相信大家都明，總之係開心事啦！」

不少網民對於Stephy要答呢條受訪問題，有唔同意見：「個記者問得出口好嘢」、「明陰佢」、「唔直接XX佢都幾好EQ」、「無啦啦問個女前度生左要唔要上契」。