港鐵站出口驚現大量曱甴隨水湧出 目擊市民：有女仔俾幾隻圍攻爬到上頭
港鐵站出口驚現大量曱甴隨水湧出 爬至女途人頭部
一名網民昨天（8月5日）在黑雨下出門上班，在西營盤港鐵站出口目睹詭異一幕。他透露「西營盤地鐵出口水浸，啲曱甴成群湧晒出黎，爬上路人腳度」，甚至親眼見到曱甴爬上一名女途人的頭頂，令她驚慌失措，連手袋和雨傘都拋落積水中。
黑雨｜沙田下城門水塘水位急升「超載」達警戒線 7大屋苑收緊急警示
目擊者形容：
「啲曱甴成群湧晒出黎，爬上路人腳度，有個女仔俾幾隻大强圍攻，爬到上頭度至知，嚇到手上乜袋乜遮都拋晒落地下水氹度」
黑雨下好人好事！市民仍謹守崗位7點冒雨上班 網民力讚：真係要致敬！
事主亦中招：就係呢條後巷
事主坦言自己也不幸中招，被曱甴爬上手臂，事後感到身體發癢，「我都中左蕉（招），俾大强爬到我手臂至知中伏…」，更回應其他網民表示「我條頸同隻手，而家覺得痕痕地添」。
他更公開曱甴出沒地點，並把圖片上載至社交網，提醒大家小心行經此後巷：
網民感嘔心恐怖 直指西營盤站渠味嚴重
事件在社交平台曝光後旋即引起熱議，大量網民留言直呼毛骨悚然，不少人訴說「睇字都覺得嘔心」， 甚至有網友坦言「情願唔返工，都要即刻返屋企沖涼」、「今年見過最恐怖嘅嘢」、「個人唔要得了」，有人感激事主「多謝你張相一隻大強都無，但睇文字都好驚」，亦有人批評西營盤站渠味一直嚴重，雨季更成曱甴溫床，「平時西營盤站啲渠味咁嚴重就知佢直達屎坑啦，平時都避之則吉唔會去呢個站上落車，仲要落雨天！」另有網友分享類似經歷，認為黑雨下城市管道衛生問題值得關注。
此外，部分網民對曱甴的天性甚有興趣，「一直以為曱甴唔怕水，原來佢哋都怕大水」、「小強其實好聰明，知道我哋識得行去安全地方，所以爬上人類身代表就可以遠離水域，師兄唔好彩黑雨要返工，俾我就影低水浸相片，同老細講改紅雨先返。其實黑雨用岩方法一樣可以輕鬆外出，預咗會水浸平路或者凹陷地方一律避開，識行一定行上斜路、高地、天橋或經商場，次次黑雨都係經呢啲地方安全返到屋企」
天災帶來生活考驗 市民無奈又無助
黑雨除了突顯本港排水及環境衛生問題，更進一步反映極端天氣對居民生活造成的種種不便和心理陰影。求學、返工每日例行，卻連日面對突如其來的「昆蟲潮」，不少市民直言，這次的黑雨已成為「人生一大陰影」，未來極端天氣只會更頻繁，大家都期望政府能加強城市基建及相關預防措施，讓每一次暴雨都不再成為惡夢的開端。
黑雨｜沙田下城門水塘水位急升「超載」達警戒線 7大屋苑收緊急警示
黑雨下好人好事！市民仍謹守崗位7點冒雨上班 網民力讚：真係要致敬！
黑雨｜港鐵5車部分出入口關閉 巴士部分路線暫停或改道
