Eddie出動「GM面具」Sophie坦言難受 暗示做法「不體面」點都唔會揀對方

Eddie出奇招「GM面具」Sophie 嗌難受

然而，向來點子多多的Eddie今集再出奇招，一個舉動先是讓Sophie爆笑，緊接著卻讓她情緒崩潰、當場爆喊，事後Sophie向製作組憶述時，更一度激動得「講不出聲」，平伏良久後才吐出一句：「好難受…」原來Eddie準備了GM的面具，想Sophie用望向GM的溫暖眼神去睇自己！

Sophie原來唔領情「我覺得係有少少難受」

事後有網友問Sophie 「你見到Eddie 拿起面具扮GM那一刻，有咩感受？」，又關心Sophie有沒有因為對方借用GM的樣子而生氣，對此Sophie坦言難受之餘，又曲線表示這個表達方式不夠體面，Sophie的原文如下：

其實如果你問我，當下有少少嚇親，我希望呢個最後約會係體面地完結，當下對方選擇用呢個形式去表達自己，我覺得係有少少難受。
我希望可以緩和到氣氛，甚至係俾啲鼓勵佢，我覺得最後喺不令對方太難受的情況底下，清晰表達咗自己感受，並感謝佢一路以嚟嘅付出，感謝佢嘅參與，而事情亦都算係有始有終清晰畫下一個句號

Sophie 坦言「冇GM」都唔會揀Eddie

有網友問Sophie 「但如果今次冇GM參與，Eddie 會唔會成為你最後嘅選擇？」對此Sophie就斷言拒絕「唔會」，更表示「我覺得感情唔係街市買餸」，又指出感情係寧缺勿濫，如果沒有適合嘅人出現係可以單身嘅，似乎Eddie從頭到尾都無得到Sophie嘅好感。

7大勇者「最後告白」全公開 GM愛宣言硬撼林堡熙

星期日晚播出最後大結局，為了讓觀眾率先感受結局的粉紅氣泡，大會額外發布了七位求愛勇者的「最後告白」金句，每句都充滿愛意與誠懇，勢要打動女神芳心。當中葉蒨文的兩位追求者林堡熙與曾展望的告白更是針鋒相對，火藥味濃！

林堡熙溫柔地叫她「唔使咁理性」，跟隨內心第一人選；曾展望則以堅定宣言反擊，表示「我可以好肯定咁講…」，留下巨大懸念。其他勇者的告白亦同樣精彩，未知最終哪一位的真情剖白，能成為贏得女神歸的關鍵？

林俊其向羅毓儀：「等我嚟照顧你，你淨係需要做一個開開心心，最純粹嘅你就夠。」
林焌堯向李芷晴：「就算天氣唔好，睇唔到星星，我都會變做一粒星星，永遠喺你旁邊陪伴住你、照亮住你」

劉啟進向梁敏巧：「我係對你有好感，亦都好想繼續認識你、了解你，尤其節目外嘅你」
姜卓文向關嘉敏：「我都好擔心你會點睇我…我希望你知道無論結果係點都好，我都希望你開心，繼續做自己」
黃家俊向關嘉敏：「Carman，我由一開始就係揀咗你…我希望真係大家會做到互補不足」
林堡熙向葉蒨文：「你做呢個選擇時可以輕鬆啲，唔使咁理性架，你個心入面、腦入面第一個人，出現嗰個就係嗰個架喇，唔好畀太大壓力自己」
曾展望向葉蒨文：「我唔想我生活冇咗你，但如果你問我，每次約會我會同你講啲咩呢？我可以好肯定咁講..」