54歲小儀疑洩突然離開效力30年商台真相 森美6字回應 網民感觸支持
早霸王｜港媽代亡夫致電極催淚 向亡夫許下承諾 獲森美啟發後淚崩 有片重溫
小儀突發離開商業電台 公開離巢原因
對於呢個突發消息，小儀澄清並非是健康問題，笑言真係「裸辭」，並表示會開展新生活！被問點解唔繼續「兼職」服務商台，小儀坦言：「個人唔識得分心，同步享受人生，放開唔到。」另一方面，拍檔森美透露早前得知小儀離開，以節目立場係「唔允許」，但在朋友而言，亦為小儀有新生活感到開心。
早霸王｜港男婚後6年終與太太度蜜月 出發前驚揭4歲女兒噩耗 網民聽到喊
小儀最新發文疑洩離開商台真相 離巢後去向曝光
小儀在其社交平台發文，字裡行間流露出不捨之情，其中更疑似透露離開商台的最終原因：
「如喺節目講嘅一樣，我走喇。
喺商業電台工作已經30年，自己都冇諗過可以咁長情⋯⋯
一段關係可以咁長久，必定係雙向嘅，你對我好，我亦好愛你。
但，對唔住，我想喺而家行開一下，大膽地畀自己放手，去投入人生另一條航道。
離開的確需要勇氣，我都考慮咗好耐，所以你唔駛替我可惜，亦唔駛多疑覺得有乜嘢問題發生，只係我覺得現在剛剛好。
各人都有自己人生嘅時間表，節奏亦都唔一樣。
我今年好純粹地選擇 想喺11月自己生日月開始，好好地完結本身嘅崗位，然後誠實地 安然地去開始我另一段小路。
嚟緊嘅呢場人生，我有好多嘢想做，有好多嘢想試，總之就係想喺呢段日子去見識下，去感受下，去學習下，去嘆下，去寵壞下。
我仍然會工作，因為仍然要食飯吖嘛🤣，所以唔係乜嘢搵夠呀嗰啲。況且，接觸過嘅客戶們個個都好錫我，我會做好自己，有機會繼續要合作愉快。
10月31號就係我喺903 last day，希望大家陪我喺剩下嘅on air日子 開開心心 大大聲聲 嘈之巴閉咁去渡過。」
好拍檔森美回應小儀
森美亦指二人亦私下詳談數小時，小儀更笑言「唔係你走先，就係我走先啦！」森美即回應：「畀你快咗一步！」，言語間亦流露出不捨之情。
網民感觸支持：多謝你陪我長大
小儀加入商台30年，在8月商業電台舉行66周年晚宴，獲頒長期服務獎！網民對於小儀嘅離開感到不捨：「多謝你陪我長大」、「Respect 記得森美講過早十幾廿年太忙攪到佢同小儀無哂個人生活，佢好彩搵到另一半小儀就無咁好彩」、「真係估唔到」、「享受人生合理，係時候退落嚟」、「退出嚟.真係俾班新人空間睇下上唔上到好過」。
小儀重提前男友忽然感觸淚灑直播室 拍拖7年情傷極深：我個心突然好痛
早霸王｜9歲女大膽開名向12歲學長表白 森美聯絡男方 終爆1句真相嚇呆全場
