關寶慧《新聞女王2》浮誇演出不及上輯李國麟 真刀挾持泰臣壓力爆煲
《新聞女王2》芬姐崩潰爆發 擸刀危站天台邊緣
在《新聞女王2》第三集中，關寶慧飾演的芬姐因欠債累累，再被要求支付300,000多元不合理的大廈維修費，終於在業主立案法團會議上情緒大爆發。她先是瘋狂怒吼，繼而追打由泰臣飾演的法團代表，更失控衝入廚房擸刀架著對方頸部，最後更將對方拖上天台，危站邊緣企圖同歸於盡，嘶吼著： 「我哋攬住一齊死！」當她苦等佘詩曼飾演的Man姐到場，卻發現對方已離開SNK時，她再度崩潰嚎哭：「我要SNK嘅文慧心，唔係要其他台嘅文慧心！」絕望的演出令觀眾看得相當肉緊。
關寶慧親解體力透支：Keep住流眼淚幾難
關寶慧受訪時坦言，這次客串演出絕對是體力大挑戰，因為場戲需要不斷重覆大叫及爆喊。她直言過程相當疲累：「Keep 住係咁流眼淚都幾難架，真係有少少透支體力嘅，個攰嘅程度就好似短短幾日入面拍完咗一套劇咁。」她更透露，為了追求真實感，近鏡頭拍攝時用上了真刀，令她壓力大增：「尤其近鏡要用真刀時我係有啲驚」，幸好事前與泰臣有不斷溝通及度位，最終順利完成。為了演活角色，她更主動要求劇組不要為她濃妝及補妝，務求呈現最真實的憔悴感。
網友唔Buy嫌得把聲：唔係大聲就好戲㗎！
不過關寶慧橫跨兩集的演出，就被網友嫌太過浮誇，首輪好評過後，戲份拖到到四集兩台直播，開始出現負評：「這幕䝱持戲導演執導不力，很差勁！《歡樂今宵》式鬧劇！」、「做戲，只係扭曲面容，唔係咁掂！」、「淨係識大叫，叫到有啲Over咗」、「佢喊得唔好睇，好唔真實」
《新聞女王》第1輯李國麟飾思覺大叔持刀槍直播震撼觀眾
沒比較沒傷害，上季《新聞女王》初段亦有直播揮刀脅持人質的劇情，而且由李國麟飾演的「思覺大叔」精神病網紅迫力十足，拔槍揮刀脅持人質的劇情開展了上季故事的紮實基礎，李國麟以客串身份在《新聞女王》演繹精神病漢入木三分、眼神姿態俱甚是像真，獲留言大讚真演技：「今集國麟哥好亮眼，幾場戲突顯功力」、「呢啲真係真演技」。
關寶慧佘詩曼25年後再合作 世紀同框掀集體回憶
說回關寶慧這次客串《新聞女王2》第3 及第4集 ，亦是關寶慧繼劇集《碧血劍》後，相隔長達25年再與佘詩曼合作，兩大好戲之人難得再度同框，當然有合照留念。談到這次重逢，關寶慧坦言非常開心，並形容與阿佘的合作感覺很特別：「我哋以前都Friend，只係大家忙咗之後少聯絡咗好多…所以今次見番我哋好開心，同佢合作感覺好得意，既似老朋友，又似新相識。」這次世紀合體，也勾起了不少劇迷的集體回憶。
