女兒為亡父取消電話合約被拒 客服企硬「要機主親身嚟取消」最後咁做先cut到台！
客服堅持要求已故機主親身辦理
事主在社交平台分享這次令人啼笑皆非的經歷，女兒向客戶服務員表明身份時說：「我係機主個囡，因為機主過左身，我想幫佢cut台。」然而客戶服務員卻回應：
「終止合約要機主親身嚟喎。」
當事主解釋父親已經離世並詢問是否可以提交死亡證明文件「死亡証」處理時，對方依然堅持：
「唔得，終止合約要機主親身黎（嚟）。」
面對如此不合理的要求，女兒再問：「咁如果我唔終止合約，等個約完左佢係咪會自己 cut ？」客戶服務員續說：「唔會架，會自動續約」，並稱「公司規舉（矩）係咁，無其他方法」。
事主最終成功替亡父取消電話合約
面對這種毫無彈性的處理方式，事主在帖文中無奈慨嘆：
「爸爸走左（咗）己（已）經唔開心啦，仲要遇到個痴線既CS（客戶服務員）。」
她最終需要再次致電客戶服務熱線，向另一位客服表達強烈不滿後，才成功取消合約，「結果我係要打去搵另一個 CS（客戶服務員），鬧爆佢先 cut 到個台。」
破·地獄｜6歲港童破地獄期間突衝入火堆 他吐出一句話即令全場人毛骨悚然
網民分享類似經歷揭露處理差異
事件曝光後引起網民廣泛討論，有網民分享類似經歷指出，處理已故親人的合約時一般只需提供相關證明文件便可辦理。其中一位網民表示：「我3年前嘅經驗係，合約持有人過身後，直系親屬打電話上CS（客戶服務員）要求取消餘下合約，CS（客戶服務員）叫我提供合約持有人死亡証、身份證，直系親屬証明，好似係提供出世紙，唔記得使唔使填表，全部都係電話度確認完成。」程序相當順利，與事主的遭遇形成強烈對比；另有網民分享特殊情況，表示母親的家居電話服務以他的名字登記簽約，母親離世後由於合約持有人仍然在生，即使服務使用者已故也無法終止合約，最終需要「白交2年幾電話費」直至合約期滿。
網民怒轟客服無腦建議叫亡父回魂
許多網民對該客戶服務員的回應感到憤怒，紛紛留言批評「咁覆客真係自己申請比人鬧」、「AI好快取代呢類淨係跟規矩嘅無腦CS（客戶服務員）」。有網民諷刺地建議事主：「你下次同佢講：咁我叫爸爸回魂搵你整，比你個全名我方便搵你。」網民的反應反映出公眾對於缺乏彈性和人性化服務的不滿，認為客戶服務員應該具備基本的同理心和解決問題的能力，而非機械式地執行規則。
破·地獄｜6歲港童破地獄期間突衝入火堆 他吐出一句話即令全場人毛骨悚然
