全運會｜陳卓賢突玩網絡梗神回覆何啟華 全程不斷搞gag超爆笑
廣告
昨日陳卓賢（Ian）、Jeremy、何啟華擔任《十五運會勝利時刻》主持期間，三人不斷互搞gag大爆笑料，令全場氣氛輕鬆愉快。其中Ian一句神回覆更是笑翻全場，網民直呼意想不到這位看似不常上網的藝人竟然玩起網絡梗來，既好笑又驚訝。
Ian自爆練排球十幾廿年為拍《男排女將》
當主持談及排球項目時，Jeremy和Ian被問到拍攝《男排女將》的回憶。Jeremy表示「我哋嗰時為做男排女將都訓練做一兩個月，Ian就唔同啲啦」，Ian隨即搶答「我就十幾廿年啦，我一知道有呢套戲要拍，我就提早練習」。何啟華更爆料指細個時帶小朋友去興趣班已見過Ian練排球，「嗰時個阿Sir仲叫Jeremy添」，Ian即回應「嗰陣我係跟Jeremy學，都好耐之前嘅事」，Jeremy亦搞笑附和「係啊，我都記得我有教你」。
何啟華長篇大論分析參賽者表現
花劍項目結束後，何啟華被問及對參賽者的看法時，發表了一番「深度」分析。他表示「我覺得佢哋三個都有進步空間嘅，我哋呢啲做藝人嘅，永遠都信奉一個原則，就係下一個會更好嘅。所以我哋唔能夠止步於今日嘅成功同出色，要為下次比賽做進步。所以大家覺得好唔好，上網有like數就會覺得好唔好，所以問我地唔準嘅」。整段發言聽起來頗有道理，但細心一想卻發現內容空泛。
Ian神回覆「聽君一席話如聽一席話」
當何啟華講完一輪後反問Ian意見時，Ian立即機智回應「我認同Dee Sir啊，真係聽君一席話，如聽一席話，所以我完全認同」。這句經典網絡梗語完美地諷刺了何啟華剛才的長篇大論實際上等於沒說，令現場氣氛瞬間爆笑。Ian的反應之快和用梗之準確，讓人刮目相看。
網民驚訝Ian竟然懂玩網絡梗
Ian的神回覆在網上引起熱烈討論，網民紛紛留言表示驚訝。有網民笑指「一個望落唔網癮嘅人，突然玩網絡梗 真係有啲好笑但又好驚訝」，認為Ian平時給人的印象並非經常上網的類型，突然使用這個經典梗語確實出人意料。不少網民都大讚Ian的機智反應，認為這次的搞gag環節非常成功，三人的化學反應十分有趣。
圖片來源：ViuTV資料或影片來源：原文刊於新假期
