中年好聲音4首播即爆2位五燈選手｜靚聲唱《聽海》勁震撼 肥媽驚嘆：已經係決賽！

首集盲選誕生兩大殺手

《中年好聲音4》將於11月23日首播，今季加入新主持鄭衍峰及新評審谷婭溦，更增設「盲選」環節，評審只能聽聲撳燈，大大增加刺激感。首集新馬賽區戰況激烈，立即有兩位選手尤淑情及卓猷燕，憑超強實力獲得全部5盞燈直接晉級。當中比賽經驗豐富的尤淑情獻唱張惠妹高難度金曲《聽海》，憑其甜美又有穿透力的聲線，在短短分半鐘內就令五位評審全部撳燈，成為全集最快獲得5燈的選手，實力驚人。評審們聽得如癡如醉，肥媽更忍不住當場大讚：「呢個好似決賽咁呀！」，感嘆今屆選手水準極高，難以篩選。

張佳添激讚尤淑情：中年聽過最好嘅《聽海》

評審們對尤淑情的表現一致給予超高評價，認為她的演唱簡直是CD級數。張佳添更直言這是他在《中年》系列中聽過最好的版本，並激動表示：「呢首歌超難唱，但最難唱嘅位你全部 tackle 晒。最正嗰樣係咩呢，你係從容不逼咁唱晒啲高音，去到最尾，你仲特登搞多一嘢唱到再高啲畀我哋，嗰吓爽！」評審海兒亦忍不住大讚：「Absolutely fantastic，我現場聽過最好聽嘅一次《聽海》，不費吹灰之力。」而新加盟的谷婭溦也興奮表示：「好興奮，我仲興奮過你，你個表演令到我都好 enjoy，激發我四字成語：游刃有餘。」可見其表現確實震撼全場。

卓猷燕唱《夜夜夜夜》勾起評審失戀回憶

除了尤淑情，另一位獲得5燈的選手卓猷燕同樣技驚四座。她獻唱齊秦的《夜夜夜夜》，全程有八成時間閉眼演唱，極度投入，將歌曲中的孤寂與心痛演繹得淋漓盡致。她的歌聲充滿感染力，不但有技巧，感情更是滿瀉，讓評審海兒深受感動，直言勾起了以往談戀愛被拋棄的回憶：「好似畀你拮咗幾刀咁、好似記番起之前被甩嘅感覺，很痛。」海兒更給出極高評價：「我今日係第一次聽到—連呼吸聲都係感情嘅呈現，very very good job。」肥媽也補充指卓猷燕的歌聲「可以攝到你埋去」，令評審們都為她感到緊張，完全投入到她的表演之中。

評審團一致激讚：連呼吸聲都係感情

卓猷燕的深情演繹，令所有評審都讚不絕口，一致認為她完全唱出了歌曲的靈魂。新評審谷婭溦大讚：「送你四個字同聲同氣，我哋完全入到你嘅感情當中，跟住你呼吸，跟住你所有嘅一切，同你一齊感受成首歌。」周國豐亦表示：「呢首歌如果唱得悶，可以令人發呆架。你頭先嘅版本因為你用心去唱，令我哋感覺到夜晚嘅孤清。」雖然張佳添認為卓猷燕以英文節奏唱中文歌有點奇怪，但最終也被其獨特風格及出色表現打動而撳燈：「我到最後冇得唔畀燈你，因為你好有你自己。」評審們的熱烈反應，預示了《中年好聲音4》將會是一場龍爭虎鬥，競爭必定非常激烈。