殉職消防員何偉豪長眠浩園 同袍戰友約定何偉豪極催淚：唔好整蠱我哋呀！
何偉豪未婚妻Kiki親自撳掣淚別摯愛入土 10歲愛犬多多戴孝現身送別爸爸
沙田消防局30名同袍戰友浩園圍圈哽咽送別
安葬儀式結束後，約30名來自沙田消防局的同袍默默圍在墓地旁邊，他們沒有太多發言，但看到他們一次又一次拭淚，有人輕輕拍著戰友的肩膀互相扶持。其中一位同袍強忍著悲傷，望著面前何偉豪的墓碑緩緩開口說道：「今日沙田消防局好多位兄弟嚟送你最後一程。偉豪，你安息啦，你係我哋沙田消防局嘅光榮同驕傲，喺我哋心目中，你一直都係英雄。」
何偉豪最高榮譽喪禮 父母泣別愛兒 何Sir正式落更 生前頭盔擺放位置惹心酸
同袍約定何偉豪再見哽咽落淚：唔好整蠱我哋呀！
同袍們憶起何偉豪生前的點點滴滴，指他樂於助人、積極上進，也會氹大家開心。有同袍早前曾為他祈禱，表示「祈禱當中，見到偉豪上咗天堂，佢喺上面望落嚟係好開心嘅。」話至於此，這位同袍情緒激動起來，哽咽落淚說：「偉豪，當我哋有時聚餐，或者其他節目嗰時，你係我哋VIP嘅嚟㗎，你可以隨時陪我哋飲下酒，同我哋聚舊，返沙田睇我哋，唔好整蠱我哋呀！肥仔，你安息啦！」眾人聽著更顯不捨，其後同袍們齊聲喊道：「你安息啦！我哋天堂見啦。你係我哋嘅英雄嚟㗎，拜拜，肥仔，喺天堂見喇。」
宏福苑大火殉職消防員何偉豪設靈 未婚妻心形花圈放中央 10字淚別男友痛徹心扉
宏福苑五級火奪去救火英雄生命
37歲的何偉豪生前駐守沙田消防局，本擁有美好的人生和滿有使命感的工作，但一場無情的宏福苑五級火讓他在救火過程中殉職，永遠離開了摯親和這群出生入死的兄弟。戰友們沒有大聲哭喊，用最克制的方式向何偉豪致以最後敬意，現場氣氛令人動容。不只同袍，香港人都會記得這位救火英雄的犧牲和貢獻。
殉職消防員何偉豪生忌獲追授榮銜 女友忍淚現身代領 再深情告白十年男友
網民眼濕濕：見到有位阿SIR遲遲唔願離開
網民看到送別片段後紛紛留言表達哀悼之情，有人表示「我無開聲，剩係睇影像已經喊出嚟，何sir RIP, 其他消防阿sir振作」，亦有網民感動地說「睇到呢段最傷心，成班兄弟情，真係眼濕濕」。有細心的網民留意到「見到有位阿 SIR 遲遲唔願離開」，其後有人推測「因為消防員係partner 制 可能 佢就係何sir既partner」；另外有網民指出「講話嘅阿sir好似係喺沙田消防局敲落更鐘嗰位，佢敲鐘時都好似眼鼻通紅」，可見同袍之間的深厚情誼令人動容。
的士司機聞宏福苑失智症伯伯忘記火災對話極心痛 拒收車資邊揸車邊喊
