TVB記者問騎呢提問觸發古天樂「黑人問號」 11年經驗大師姐𤓓爆場面引熱議

潘盈慧問「奇怪問題」被古天樂質疑邏輯有問題

昨日《尋秦記》電影版在昂坪舉行宣傳活動，古天樂、林峯、苗僑偉三人一同接受訪問時，TVB娛樂新聞記者潘盈慧詢問電影版籌備多年終於面世，問三位的心情「有幾咁期待」。三哥苗僑偉率先回應「好期待呀，期待咗六年，拍都拍完咗六年，咁終於可以同觀眾見面，大家都好興奮！我相信觀眾亦都好期待」，古天樂亦簡短回答「我梗係期待啦下話」。豈料她接二連三再問林峯，當時林峯也愣了一愣「又要重複（回答）呀？」，古天樂忍不住提出一個清醒疑問：「好奇怪喎呢個問題！點解會問返個演員『期唔期待』嗰部戲上映，要問問觀眾吖嘛！」現場氣氛瞬間凝固，場面極度尷尬。

古天樂補刀一言點醒TVB資深記者場面尷尬

經驗豐富的潘盈慧隨即執生試圖圓場表示「我哋好期待呀！」，不料古天樂並未就此罷休，隨即再補一刀：「咁咪係囉，你答咪得囉，咁得意嘅喂！唔明喎真係！」雖然潘盈慧隨後解釋是想了解演員的個人感受，但長達40秒的尷尬僵局已令全場屏息。最後潘盈慧迅速將話題轉向三哥苗僑偉的角色細節，才成功終止這場尷尬的訪問。

古老闆慘被誤會扯火 TVB娛樂新聞台刪走片段作回應

在記者招待會當天TVB娛樂新聞台尚未播出這一段訪問，事後更有網媒曲解古天樂「當眾扯火」，但實情原來係當眾塞錢入記者個袋，不過由於這是聯合訪問，潘的「𤓓爆場面」已經在Viu1Hk以及其他網媒鏡頭下被完整收錄。事隔一天，TVB的社交平台終於將訪問片段剪輯好並於上社交平台，上文提及的提及沒有收錄在內，除此之外TVB的採訪片段還將活動台上的片名《尋秦記》打格處理，背後原因不明。

TVB娛樂台大師姐11年經驗

42歲的潘盈慧係剪接師出身，由幕後做到幕前，係TVB娛樂新聞台大師姐，2014年至今已有超過11年經驗。估唔到經驗老到都會遇上如此尷尬場面，目前TVB娛樂新聞台尚未播出這一段訪問，不過由於這是聯合訪問，潘的𤓓爆場面已經在Viu1Hk以及其他網媒鏡頭下被完整收錄。翻查紀錄，2019年4月潘盈慧曾經在StarTalk 為《P風暴》訪問古天樂與林峯，言談甚歡事後仲有合照。

無綫版《尋秦記》採訪：

Viu1HK版《尋秦記》採訪：