真實評鑑｜滴露泡沫潔手液+滴露抗菌親膚迷你濕紙巾 99%用家推薦小朋友使用，用後感覺溫和不剌激
有兩款潔手產品，深受爸媽們歡迎，皆因它不單能有效潔手，而且溫和保濕，不怕皮膚變得乾燥敏感，它就是滴露泡沫潔手液和滴露抗菌親膚迷你濕紙巾了！今次Sunday Kiss特別邀請了20位親評專員連同他們的家人，為大家實測這兩款產品的功效是否真的如此好用，即睇以下實測分享！
滴露泡沫潔手液｜零死角溫和潔淨雙手＋保濕滋潤
想小朋友愛上洗手，過程一定要夠有趣！滴露泡沫潔手液一按即出綿密豐盈的泡泡，雲朵般質感，小朋友自然更願意主動洗手。泡泡質地更能有效去除隱藏污垢，例如手指甲邊緣。產品溫和不刺激，能殺滅99.9%病菌*，同時保濕滋潤。
系列有蘆薈、蜜糖及佛手柑三款，蘆薈配方特別加入維他命E，潔手同時滋養雙手；蜜糖配方帶有淡淡清香，香味清新；佛手柑配方則有效去除魚腥肉味，廚房必備，滿足到一家大小的潔淨需要，又能照顧到經常做家務的媽媽，絕對是每個家庭必備的潔手好物。
滴露抗菌親膚迷你濕紙巾｜出街必備！7大無添加+純水水潤配方
帶小朋友外出時，總會遇到無法即時洗手的狀況。這時候滴露抗菌親膚迷你濕紙巾便大派用場，可愛的Kuromi包裝，已令小朋友愛不釋手。加上迷你包裝設計，可以輕鬆放入手袋、褲袋，方便攜帶，隨時隨地為小朋友清潔雙手。重點是濕紙巾採用純水水潤配方，7大無添加，用後感覺溫和舒適，不會有黏膩感。無論是用餐前後，還是觸摸公共設施後，輕輕一抹，便可以有效去除細菌污垢，爸媽們自然更安心。
Sunday Kiss邀請了20位親評專員分享真實試用效果，到底他們對滴露潔手系列的評分是怎樣呢？
以上的評分是20位親評專員試用滴露泡沫潔手液及滴露抗菌親膚迷你濕紙巾後，根據特定評分準則而得出的分數結果。
滴露泡沫潔手液與抗菌濕紙巾均獲得一致好評，滴露泡沫潔手液在抗菌、除污及溫和度方面表現出色，潔淨同時呵護雙手，推薦度達4.9/5分。而抗菌濕紙巾則以極高輕便度獲廣泛認可，適合隨身攜帶，輕鬆保持手部潔淨，整體推薦度為4.8/5分。
精選10位親評專員用後感
Frida：對於要成日做家務嘅全職媽媽嚟講真係⼀大好物！
滴露泡沫潔手液嘅泡泡好綿密，去除污垢嘅效果好明顯，對於要成日做家務嘅全職媽媽嚟講真係⼀大好物！加上有清香嘅香氣，雙手就算剛處理完重味嘅物品，⼀洗完之後就無晒異味～
Otis媽媽：而家有咗呢兩件「法寶」，小朋友玩得盡興，我又安心，真心覺得係湊仔必備！
之前帶小朋友出街成日好頭痕，佢哋咩都摸一餐，洗手液又唔係度度有，濕紙巾抹完手有時又乾爭爭。最近試咗滴露泡沫潔手液同抗菌親膚迷你濕紙巾，真係幾有驚喜！泡沫洗手液一撳就出泡，啲泡泡好綿密，阿仔自己都搓到，好容易就洗走污垢，用水一沖就乾淨晒。最正係洗完對手唔會「黐笠笠」又唔乾，陣味仲好清新。至於包迷你濕紙巾，細細包我直頭長擺喺手袋。
試過喺公園玩完鞦韆，拎出嚟同佢抹手，質地好柔軟，睇過成份溫和，真係唔刺激。以前成日擔心清潔得唔夠，而家有咗呢兩件「法寶」，小朋友玩得盡興，我又安心，真心覺得係湊仔必備！
Shirley：濕紙巾的迷你包裝非常輕巧，即使是媽媽出門用的小廢包，也能輕鬆裝入一兩包～
日常生活中，小朋友經常要使用消毒洗手液，但很多產品對敏感肌膚都不夠溫和。不少洗手液用完後雙手會感到乾燥，不夠滋潤，令到我苦惱了好一陣子。後來，我們終於找到一款適合大人和小朋友的溫和洗手液——滴露泡沫潔手液。用完之後，雙手不僅乾淨，還保持柔潤，我和小朋友都非常滿意。
此外，我們每天到公園玩耍，無論是吃零食前還是玩樂後，滴露抗菌迷你濕紙巾都成了我們日常必備的好幫手！迷你包裝非常輕巧，即使是媽媽出門用的小廢包，也能輕鬆裝入一兩包，實在方便，大大提升了日常使用的頻率！
Charlie：洗完清爽不緊繃，添加的保濕成分讓小手保持柔嫩
我家小朋友是敏感肌，之前試過好多洗手產品，要麼洗後雙手乾到起白紋，要麼成分刺激導致手背泛紅，連帶他越來越抗拒洗手。自從換了滴露泡沫潔手液，按壓就出雲朵般綿密的泡沫，小朋友主動願意搓洗，深層清潔指甲縫也不費力，洗完清爽不緊繃，添加的保濕成分讓小手保持柔嫩。
迷你濕紙巾更是出行必備，巴掌大小塞進書包毫無壓力，無酒精、無熒光劑的配方超溫和，99.9%殺菌力讓餐前、摸完公共物品後的清潔都很放心。兩款產品兼具溫和、潔淨與實用，簡直是媽媽的安心之選！
Kristy：無論洗幾多次手，手部肌膚完全唔會覺得乾燥
全職媽媽平日經常要做家務，雙手好多機會惦到水，加上屋企有兩個小朋友，特別注重衛生問題，洗手嘅次數相對頻繁，皮膚都變得乾燥又敏感，試過用市面上一般嘅洗手液，可能成份未夠溫和，用後唔夠滋潤潔淨，雙手越洗越乾，仲會乾到痕𠻹，個感覺好唔舒服。
用咗Dettol泡沫潔手液之後，無論洗幾多次手，手部肌膚完全唔會覺得乾燥，有種終於俾我搵到枝係有效清潔消毒雙手而又夠滋潤、唔會刺激敏感肌嘅潔手產品嗰種感覺！滴露抗菌親膚迷你濕紙巾就認真夠晒方便，細細包帶出街，就算係爸爸袋喺褲袋都好輕便！包裝仲係咁可愛嘅Kuromi💜而且純水水潤配方通過皮膚科測試，溫和不刺激，好啱小朋友用！
Chichi：泡沫潔手液嘅泡泡超綿密，溫和又洗得乾淨
作為家長，我最擔心嘅係小朋友用洗手液後，手仔會變得乾燥甚至泛紅。尤其係冬天，洗完手冇耐就覺得繃緊，甚至要不停搽潤手霜先舒緩。後來發現滴露泡沫潔手液嘅泡泡超綿密，除咗好易洗走污垢，仲可以有效殺滅99.9%細菌，睇翻產品成分有維他命E，用落溫和、洗完對手完全唔乾，我同小朋友用落都好放心。
出街我一定會袋住包迷你Kuromi裝濕紙巾，細細包好輕身，個樣又得意，阿妹係咁話個包裝勁靚，成日搶住拎。呢款濕紙巾唔單止殺到99.9%病菌，仲係7大無添加純水配方，皮膚科測試認證，抹完手又舒服又安心，見到佢用得咁開心，我做媽咪嘅都安心晒！
BayBay媽媽：呢款洗手液夠晒溫和而清潔力亦都好足夠；迷你濕紙巾包裝夠晒可愛，小朋友每次見到都好開心！
平時大部分嘅洗手液一係太溫和，洗完雙手都覺得唔係太乾淨；一係就清潔力好夠，但清潔完雙手會又乾又痕，久而久之令到雙手好容易敏感！小朋友都會因為洗完手好痕，而拒絕使用洗手液清潔雙手！
我覺得今次dettol呢款洗手液夠晒溫和而清潔力亦都好足夠！小朋友私心鍾意蜜糖清香果款，佢話好香好甜，好似食緊糖咁😂最鍾意就係一吱出嚟就係泡泡質地，唔需要再起泡，好啱小朋友用啊！
講開方便，不得不提佢哋嘅抗菌親膚迷你濕紙巾！我通常會喺手袋長備幾包，尤其帶小朋友去公園、食飯，或者搭完車，拎出嚟一抹就殺菌，質地又柔軟，最重要包裝係Kuromi夠晒可愛，小朋友每次見到都好開心，真心推薦！
Tracy：呢兩樣嘢真係幫輕我好多，見到小朋友習慣保持清潔又唔抗拒，做媽咪嘅真係好安慰
自從做咗媽咪之後，屋企用咩潔手液、出街帶咩清潔用品真係成日心大心細——帶得多又重，帶得少又唔安心。尤其係小朋友成日摸完呢樣掂嗰樣，想佢多啲清潔雙手，又怕產品太刺激搞到皮膚敏感。直到遇上滴露泡沫潔手液同抗菌親膚迷你濕紙巾，終於解決咗我呢個煩惱！
滴露泡沫潔手液真係抵讚，洗完對手乾乾淨淨，但一啲都唔「繃緊」，小朋友對手仲保持到嫩滑㗎。至於包抗菌濕紙巾就更方便，我而家長期擺幾包喺手袋，細細包唔阻定，隨時拎出嚟同小朋友抹手，抹完唔會紅唔會痕，而家仲會主動話用濕紙巾抹手𠻹～呢兩樣嘢真係幫輕咗我好多，見到小朋友習慣保持清潔又唔抗拒，做媽咪嘅真係好安慰。溫和得嚟又有效，絕對會推薦俾其他媽媽！
April：連手指縫都可以洗得乾淨，而家我哋全家都係用佢！
所謂病從口入，平時我同小朋友都會勤洗手，不過我地嘅皮膚都比較敏感，所以每次洗完手都會覺得好乾！同埋有時小朋友周圍玩啲指甲縫都會好污糟，用普通潔手液好多時都洗得唔夠乾淨。
後來用滴露泡沫潔手液，而家每次洗完手，都唔再覺得好乾，仲好滋潤！鍾意佢嘅泡泡夠綿密，連手指縫都可以洗得更乾淨，而且仲可以99.9%殺滅細菌，用得更安心！我哋就特別鍾意蘆薈味，夠曬舒服清香，而家我哋全家都係用佢！
除咗洗手液，我而家出街必備滴露嘅抗菌親膚迷你濕紙巾，細細包放入手袋好方便，重點係對敏感肌友好！我試過用其他牌子抹完手背會紅，但呢隻完全唔會，抹完皮膚依然感覺水潤，唔會有嗰陣刺鼻酒精味。而家出街我都會拎出嚟同小朋友抹下手，方便到極。
Stephany：平時小朋友周圍摸周圍掂，帶佢出街幫小朋友抹手同清潔就啱晒！
平時嘅消毒洗手液，一係有好大浸香味，一係用完之後會好乾燥，所以要搵一支又唔重香味又可以保持雙手滋潤嘅洗手液好重要！我哋不嬲都有用滴露嘅產品，所以對呢個洗手液好有信心！蘆薈香味最推介，佢有淡淡嘅香味又可以保護雙手，用完都覺得好乾淨！
濕紙巾有Kuromi已經加分，因為小朋友好鍾意，佢好夠濕之餘厚薄適中，用嚟抹手都好堅韌。最緊要係佢可以殺滅99.9%細菌，平時小朋友周圍摸周圍掂，帶佢出街幫小朋友抹手同清潔就啱晒！
+根據2025年12月新傳媒(Sunday Kiss)向20位年齡介乎28歲至45歲及擁有年齡1至10歲孩子的媽媽試用產品後進行之問卷調查結果顯示。
‘適合3歲或以上兒童在成人監督下使用
^不含酒精、矽、螢光增白劑、MIT、MCIT、礦物油、PARABENS防腐劑
*Reckitt Data on File 2016 & 2023; 測試細菌：金黃葡萄球菌, 大腸桿菌
（Presented by Dettol）
