渣馬2026｜渣馬男子孭B跑全馬被炮轟 目擊者揭BB狀態 推測混B參賽過程
西九龍公路驚現孭B男子跑手
網民上載至threads的影片中，可見這名中年男子身前孭住一名嬰兒，左手托住嬰兒頸部，右手則抓住手提電話。當時他正準備跑往昂船洲方向，懷中的嬰兒雖然未有哭喊，但這個罕見場面立即吸引了所有路過跑手的注意。上載影片的網民表示「以前有見過咩（孭）個公仔跑，今次，背個真BB跑」，帖文迅速引來大量網民討論。
渣馬2026｜殉職消防員何偉豪同袍合力完成何Sir心願 未婚妻終點收1物淚崩
同場跑手目擊鬧爆事主冇腦：BB目測唔會大過6個月
有其他參賽跑手亦表示親眼目擊這名男子的行為，並對此感到極度震驚。一名跑手在社交平台分享「全馬起步佢喺我隔離，我都打咗個突，個B目測唔會大過6個月，起跑嗰陣跑手左衝右撞極之危險，究竟要幾冇腦？幾唔負責任先會做出啲咁嘅行為？」、「BB chok 親條頸甚至震親個腦就一世」；另一位跑手亦確認「今日起步喺油麻地見到佢，我confirm係真B，本來以為自己睇錯，再望多幾眼，竟然真係有個幾個月大嘅BB！」。
此外，有網民則好奇事主孭B背後原因，「Comment個個鬧佢但我反而好想知道其實佢會唔會係無另一半幫手照顧小朋友跟住星期日工人又放假冇人肯幫佢照顧住…有時做人父母都好難，又要照顧個小朋友又唔想放棄可能係自己唯一嘅興趣 仲要講緊呢個興趣一年先一次 仲要抽籤」
渣馬2026｜跑手傷患數字惹關注 59人送院2人危殆 有人衝線後突倒地
網民炮轟事主行為自私
帖文引來網民熱烈討論，大部分人都對男子的行為表示強烈不滿。有網民擔心嬰兒安全「咁樣好容易造成嬰兒腦震蕩」、「我戥個b慘，chok都chok死，隔夜奶都嘔返出嚟」。亦有人質疑男子的動機「又腳痕想跑，屋企又無人睇住個B」、「攞嚟攪，BB都好辛苦，唔知做緊乜」。更有網民關注長遠影響「其實平時咁樣孭住個小朋友出街，行路都要好小心，而家長期咁樣叫做跑住，唔小心撠到真係好大鑊㗎」、「BB會唔會有搖晃症」。不過亦有少數網民表示理解「BB仔仲瞓得好腍，真係第一次見，佩服好爸爸」。
渣馬規例明確禁止帶嬰兒參賽 目擊者推測混B參賽過程
翻查渣馬紀錄，這名姓氏「Wang」的跑手參加全程馬拉松，於清晨6時25分開始起步，大約用2小時20分完成15公里，平均每公里用時9分22秒，但最終沒有完成賽事，有網民表示「有人話好快工作人員截停咗佢 佢都DQ 咗」 。對於為何不被阻止參加賽事，有其他選手目擊者透露「我是在21k 見到佢、佢都跑左好遠，但不排除BB 是中間混入」。
根據渣打香港馬拉松2026官方網站明確表示，大會禁止參賽者帶同嬰兒、未滿16歲或任何未有戴上有效號碼布人士參加及進入賽道範圍，違例者將會被即時要求離開賽道。這次事件再次引起公眾對賽事安全規例執行的關注。
渣馬2026｜殉職消防員何偉豪同袍合力完成何Sir心願 未婚妻終點收1物淚崩
