太空館活動｜《太陽系大冒險3D》映後火星探索任務 免費製作紙模型深度體驗

太空館活動｜幽默風趣「大鬍子領隊」帶你遊太陽系

《太陽系大冒險3D》由一位幽默風趣嘅「大鬍子領隊」操控神奇嘅太陽系儀，帶觀眾展開一場驚心動魄嘅星際之旅。旅程中，你將躲避水星極端嘅晝夜溫差、逃離金星致命嘅高壓大氣，並在火星崎嶇嘅地表驚險着陸！接着，你會感受木星上嘅雷電風暴、穿越土星絢麗嘅光環、造訪橫躺自轉嘅天王星，並迎戰狂風肆虐嘅海王星。
大鬍子領隊以詼諧生動的解說，為你揭開各大行星的奧祕與太陽的驚人威力。膽大心細的佢，能否在危機四伏中帶領大家平安歸來？呢部25分鐘嘅立體球幕電影，絕對會令你大開眼界！

太空館活動｜映後活動：火星探索任務深度體驗

睇完《太陽系大冒險3D》後覺得意猶未盡？太空館特別安排了映後活動「火星探索任務」，同大家再續旅程！這次會重點探索火星，參加者可以動手製作火星紙模型，並會介紹各項火星探索任務嘅重要發現，等大家更深入了解呢個神秘的紅色星球。

映後活動詳情：

日期：2026年2月7日（星期六）
時間：下午2時30分至4時正
地點：香港太空館演講廳
語言：粵語
參加方法相當簡單，參加者須年滿6歲，6至12歲兒童須由成人陪同參加。每位參加者需憑任何一場《太陽系大冒險3D》實體門票正本免費參加，無需預約，一人一票。每節名額160人，座位先到先得，有興趣嘅朋友記得早啲嚟排隊喇！

太空館活動｜《太陽系大冒險3D》放映詳情

立體球幕電影《太陽系大冒險3D》由2025年10月15日起至2026年10月14日，喺香港太空館天象廳放映。放映時間為星期一、三至五嘅下午2時正及6時30分；星期六、日及公眾假期嘅下午12時30分及5時正。
入場費方面，標準票後座40元、前座30元；優惠票後座20元、前座15元。優惠票適用於全日制學生、殘疾人士（及一名同行照料者）及60歲或以上高齡人士。值得注意的是，三歲以下兒童恕不招待。
語言方面，星期一及四（公眾假期除外）嘅下午6時30分場為英語場次，其餘為粵語場次。觀眾亦可透過多語言耳機系統選擇粵語、普通話及英語。

想體驗震撼嘅太空探索之旅，又想參加有趣的火星探索任務？記得先購買《太陽系大冒險3D》門票，然後準時出席2月7日嘅映後活動啦！門票可於城市售票網購買，詳情可瀏覽www.urbtix.hk。