《夜王》加長版最新回應 導演親自澄清「三級足本版」傳聞 認呢個戲份成最大遺憾
《夜王》加長版｜導演爆初剪長達3小時！5大刪減情節待曝光
夜王｜楊偲泳疑不滿被刪戲 黃子華張振朗齊上陣氹Renci開心
夜王｜楊偲泳大量性感鏡頭被刪 戲份大縮水對白少過麗英 無奈於社交平台用歌詞訴心聲
吳煒倫親證加長版唔係純粹「榨水」
導演吳煒倫在「文雋 講呢啲 講嗰啲」YouTube頻道中首次詳細回應加長版安排，強調絕對唔會草草了事。「其實我自己嘅諗法呢，如果真係會再剪個加長版，我唔想純粹就咁加返啲刪剪戲入去就算。可能係用另外一個角度去重組戲份，重新剪接去講過呢個故事。所以如果真係會搞嘅，都要花時間。」吳煒倫解釋，現有版本在剪接時已經大幅調動場次順序，中段部分更是經過多次重組，因此加長版需要重新「砌」過，而非簡單地塞返刪剪片段。
江志強老闆開綠燈 AI技術或成救星
主持人透露，製片人江志強有意投資加長版製作，畢竟《夜王》票房表現亮眼。「我諗江老闆就係咁諗：既然票房去到差唔多一億一千幾萬，好啦，呢個Budget畀你再搞，都要錢㗎嘛加長版！又要重新Mixing，又要乜嘢。你個希望可能AI幫到你。」不過吳煒倫強調，即使有充足資源支持，製作團隊都唔想倉卒播出，必須確保質素達標先會推出市場。
Sammi豪華套房戲份成最大遺憾
最令觀眾關心的鄭秀文戲份問題，吳煒倫就爆出驚人真相！原來觀眾期待已久的Sammi與黃子華夫婦在賭場贏錢後的豪華套房情節，竟然「真係冇拍到」。當主持人表達老婆作為Sammi擁躉的失望情緒時，吳煒倫直接回應：「喇，嗰個唔使諗喇，因為真係冇拍到！」並澄清這並非收埋或剪走的片段，而是根本沒有拍攝相關場面。這個消息無疑令一眾期待更多Sammi戲份的粉絲大失所望。
導演澄清絕非三級版本
面對外界對加長版內容的各種猜測，吳煒倫特別藉機會澄清：「首先我真係要藉呢個機會澄清返先：就算真係有加長版，絕對唔會係三級嘅，其實係冇拍到咁三級嘅！」主持人亦認同這個說法，指出如果演員肯拍三級內容，大可以單獨開拍《蜜桃成熟時2026》，不會為了一場戲作出如此大犧牲。不過他們都認為，適度的「養眼」內容或劇情濃度提升，對電影整體效果仍有幫助。
製作時間成最大考量
吳煒倫反覆強調時間因素的重要性，表示加長版製作絕對不能急就章。由於原版剪接時已經大幅調動戲份順序，包括「邊場先、邊場後，邊條線先、邊條線後都有唔同」，因此加長版需要重新構思整體結構。加上重新混音、後期製作等技術工序，整個製作過程預計需要相當長時間。不過對於願意等待的觀眾，製作團隊承諾會交出滿意的作品。
