末期腺癌港爸Fox妻眾籌惹爭議 生活奢華周身名牌被網民鬧爆 陳Sir曾有回應
港爸Fox太太Natalie無奈求助稱經濟負擔沉重
Natalie在帖文中詳述丈夫自去年11月起身體不適，今年2月確診克隆氏症及第4期擴散性腺癌的經過。她表示陳Sir一直放有薪病假，預計至今年5月結束，但醫療費用「漫長且昂貴」，包括未來的標靶藥物、醫生診金及其他治療費用，為家庭帶來沉重經濟負擔。Natalie寫道：「我一個人既要照顧重病的Fox，又要照顧剛出生的勤勤，實在難以獨力承擔這沉重的醫療與家庭開支。因此，我們決定發起這次私人募捐，希望能為家裏減輕財政壓力，讓Fox和我能夠毫無後顧之憂，集中所有意志對抗病魔。」
陳太被網民揭生活奢華 擁多個名牌手袋名貴首飾
陳Sir病況曝光後，很多網民深入翻查陳太Natalie的Instagram帳戶，竟發現她經常使用Hermès、Chanel、Louis Vuitton及Loewe等名牌手袋，同時佩戴Cartier和Chaumet等名貴首飾。
面對質疑聲音，陳Sir曾辯稱這些都是「深圳A貨」，但網民並不買帳。有網民更翻出疑似Natalie拍攝的home tour短片，片中可見獨立屋面積超大，經過比對聚會照片和留言後，網民認為「同條片match度，似係佢哋或家人間屋」。這些奢華生活痕跡令外界對眾籌的必要性產生強烈質疑。
癌末港爸Fox富貴妻眾籌出事 多名媽媽集體控被騙 舊同學爆曾被陳太霸凌經歷
張繼聰林芊妤捲入風波遭網民炮轟
育有兩名子女的藝人張繼聰曾在Instagram轉載Natalie的帖文並呼籲：「加油，一切會好，希望大家幫手」，而KOL林芊妤Coffee則透露收到粉絲私訊告知朋友患病情況，雖然沒有公開呼籲捐款，但自己捐錢給陳氏夫婦。Coffee解釋：
「不過當時亦知道佢有一個11個月大嘅BB，作為一個啱啱生完BB嘅我黎講，我覺得感同身受所以我就自己捐咗錢，同埋留咗個言比佢地想鼓勵佢哋一家人。但估唔到今日件事會發酵到咁樣，而我當時俾嘅只係小小既心意好啦～希望大家都身體健康，其他嘅我就唔回應啦。」
網民質疑富裕家庭眾籌合理性
事件在網上引發激烈討論，網民紛紛質疑富裕家庭公開眾籌的合理性，有網民留言：「係咪真係需要向網絡上面嘅陌生人籌款？奉勸大家發放自己嘅善心之前睇清楚，唔好咁輕易將自己辛辛苦苦搵返嚟嘅錢捐出去」、「屋企咁大咁豪華」、「香港仲有好多低層嘅重症患者好需要錢㗎，其實你應該優先幫嗰啲人去籌錢先，真係唔好跟車太貼」。
張繼聰也慘受牽連，被網民炮轟：「喂，老老實實啦，你咁樣幫佢知唔知佢家底有幾多？你啲fans一窩蜂去眾籌」、「冇人話佢假病，但呢個家底要眾籌咩？一隻Cartier手鈪22萬夠平民用大半年。唔好好心做壞事喎」、「驚你人善意被濫用」。面對爭議不斷發酵，陳Sir妻子Natalie已刪除社交網的帖文，並將帳戶「清零」， 帳戶亦由「公開」轉為「私人」。
40歲中學體育老師港爸Fox暴瘦55磅確診末期腺癌 叮囑九個月大兒子1事淚崩
有網民爆粗鬧爆：淨手袋過百萬都仲眾籌
期間，更有網民爆粗責罵，「淨手袋過百（萬）都仲眾籌，除咗X街，都唔知講咩」、「而家件事難睇在為左眾籌竟然話自己啲名牌嘢係假貨，人地病你病病到你去呃人錢嘅？幾多窮人病到無錢醫病，好心你哋啦」、「佢隻卡地亞係寬版，36萬架」、「我哋買$36嘢都要諗呀 36萬黐筋」，有人更表示今次事件學會了很多名牌及價錢，「今日短時間內 識咗好多尊貴首飾品牌及包包市價」。
