唱錢｜「緊張爸爸」郭偉亮為XiX超肉緊失控！嚇到腳軟兼遭森美強行夾走

郭偉亮失控打手勢嚇到腳軟

今集搶焦位絕對是「緊張爸爸」Eric Kwok，雖然他賽前講明「冇事先通水」，但當女團XiX正式落場時，Eric Kwok竟立即丟下拍檔Desta及森美，獨自跑到親友席為三位愛女打氣。在XiX成員輪流挑戰「Sing 盤」期間，自稱忐忑不安的Eric Kwok更是全程冇時停，瘋狂打手勢示意「唱慢啲／唱快啲」，更緊張到一再做出「食拳頭」和反眼等虛脫表情，甚至因XiX的決定太過飄忽，一度嚇到腳仔軟，誇張地高呼需要輪椅，行徑相當失控。

森美睇唔過眼喝斥「家屬靜啲」

眼見Eric Kwok完全無視主持身份，不斷企圖左右XiX的闖關決定，又對三位成員囉囉嗦嗦，拍檔森美終於睇唔過眼，忍不住大聲喝斥：「家屬靜啲！」不過此舉完全無法阻止Eric Kwok的暴走行徑，最終森美只能使出絕招，親自上前「強行夾走」這位失控的緊張爸爸，場面極之爆笑，讓Eric Kwok意外成為全集焦點。

Eric Kwok視XiX如親生女 人細膽大反差萌

被Eric Kwok視為「親生女」的女團XiX，由良玳瑩（Crystal）、楊秉頤（Caitlin）及繆昀希（Charlotte）組成，年紀最輕的Charlotte僅17歲，最大的Crystal也只有19歲。與「緊張爸爸」Eric Kwok的失控表現相反，三位成員在台上全程零緊張、零怯場，即使面對難題或「跌入危險區」，依然能處變不驚，表現出超齡的冷靜與膽識，堪稱「人細膽大」，與台下Eric Kwok的誇張反應形成強烈又可愛的對比。

網民洗版爆笑：Eric Kwok係真爸爸

節目播出後，網民焦點完全落在郭偉亮的誇張反應上，紛紛留言洗版！
「Eric啲反應真實過真實，緊張到腳軟好好笑！」

「森美夾走佢嗰下我笑到噴飯，最佳損友！」
「完全睇得出佢幾錫XiX，呢啲先係真．父愛。」
「今集主角根本係郭偉亮，表情包可以cap圖了！」
「XiX好淡定，同爸爸個樣成強烈對比，好可愛！」