呂慧儀12歲兒子游泳比賽前自信大跌嘆輸硬 學霸媽17字鼓勵後游快3秒贏獎牌

兒子蟹籽賽前自信心大跌嘆輸硬

呂慧儀12歲兒子黃柏翹（蟹籽）每年復活節都會參加史丹福游泳學校舉辦的全港爭霸戰，故復活節是練水的密集期。比賽前一晚，兒子蟹籽顯得相當緊張和缺乏自信，向媽媽坦言
「佢覺得今次唔會攞到獎牌，因為泳隊啲人好勁游得好快」。
面對兒子的擔憂，呂慧儀首先稱讚兒子「你都游得唔慢」，肯定蟹籽的泳術及付出的努力給予鼓勵。然後，她還告訴蟹籽「比賽」的真正意義，強調不需要兒子必須奪得獎牌，「從來參加比賽都係用嚟check吓自己個水平去到邊度，係用嚟挑戰自己」，

「獎唔獎牌都係bonus，最重要係贏到以前嘅自己。」

她又解釋「今次你係升咗level游高一級對手當然係勁啲，只要你贏到自己嘅PB（Personal Best， 個人最佳成績），媽咪就好戥你開心！」，這番話充分展現了呂慧儀重視過程多於結果的教育理念。

呂慧儀陪賽緊張爆燈：心裏其實又覺得好正

作為陪賽家長，呂慧儀坦言自己在旁邊觀看時同樣緊張萬分，她形容「我喺旁邊睇你游水，都係屏息靜氣，鬼死咁緊張」。不過看到兒子緊張的模樣，她內心卻感到欣慰，「見到你自己好緊張個樣，心裏面其實又覺得好正」，呂慧儀認為

「成長就係要有少少風浪嚇一嚇自己，你經歷過之後就又大個啲㗎喇！」

透過這次游泳比賽，她巧妙地將運動競技與人生哲理結合，教導兒子如何面對挑戰和壓力。

12歲兒子自由式和蛙式各快3秒 更奪銅牌

最終兒子蟹籽不負所望，自由式和蛙式都各快了3秒，真正贏了以前的自己，而且蛙式賽事中更成功奪得銅牌，呂慧儀興奮地表示「yeah！我又有得同你慶祝喇！」，比賽後還與兒子一起吃喝玩樂來度過復活節假期， 「游完水咁攰，不如返屋企打機算啦！我好想食薯條同打機啊！It’s my Easter holidays!」

學霸媽媽教育背景 半工讀牛津大學課程成績優異

呂慧儀的優秀教育方式並非偶然，她本身就是名副其實的學霸。中學時期就讀屯門區Band 1名校宣道會陳瑞芝紀念中學，中七時更以理科全級第一的佳績，加上中國語文及文化科A級的優異成績，成功考入香港科技大學電子工程系。近年來她在兼顧繁忙的拍攝工作和照顧兒子的同時，半工讀完成了牛津大學賽德商學院的行政管理課程，並且所有科目成績均在80分以上。這樣的學術背景讓她在教育兒子時更能掌握學習的精髓，注重培養孩子的內在動機和自我挑戰精神。

網民大讚教子有方 ： 慶祝方式超貼地

呂慧儀的教育理念獲得網民一致好評，有網民留言「3秒係快咗好多，蟹籽挑戰自己成功💪🏻」，呂慧儀幽默回應「因為平時游水好有渡假風，攪到我都唔係好知佢水平去到邊」。
另有網民大讚「非常認同妳所講，比賽係一種了解自己水平嘅好方法，亦都係學習處理緊張情緒/氣氛嘅好機會😇」，其他家長表示「力爭上游對了，永不放棄對了，贏了昨天的自己已經是贏了，有信心就一定得（還有好媽媽支持你實得）掂呀，人生不同嘅階段都有要面對不同嘅對手但是要努力和堅毅儘了全力保足準備功夫就一定不用怕輸勝敗乃兵家常事《不枉此行就好》，緊張一定會有但只要心入面知道佢在背後默默的支持你同你一樣緊張在乎你ing爆炸力就系咁支持你到終點和做得更好更有勁，蟹籽真系好叻的信自己也信大家都在為你打氣，其實蟹蟹都給了我一樣嘅勇氣我都一樣的感激您們，這個復活節兒童節真係好快樂愉快溫馨幸福的時光，啦啦隊我們一直都在，大家凡事無使驚因蟹籽媽咪蟹蟹女神系度默默的支持鼓勵😊，加油吧孩子們，有M記食真開心，如果系水水炸薯條仲好食仲有水水炸🐔😜睇到我都想食m記」，呂慧儀回答 「我有加大啊！仲叫咗姜哥哥推介嘅巨無霸餐！」，這種貼地的親子互動方式讓網民直呼「好媽媽」。